Ársrit Hins íslenska fræðafjelags í Kaupmannahöfn - 01.01.1923, Blaðsíða 22
22
Porvaklur Thoroddien
um Austur-Skaftafellssýslu og óbygðirnar milli Lóns og
Snæfells og suðurhluta Múlasýslnanna. Nú átti hann mest
alt Norðurland eftir og fór hann því 1895 um Norður-
fingeyjarsýslu og sumurin 1896 og 1897 um nokkur hjer-
uð og bygðir í Suður-Þingeyjarsýslu og Eyjafjarðarsýslu,
er hann haf ði eigi rannsakað áður, enn fremur um Skaga-
fjörðinn og nokkurn hluta af Húnavatnssýslu, og um öræfin
suður af Eyjafirði og Skagafirði uppí Hofsjökul. Sumarið
1898 lauk hann rannsóknarferðum sínum; fór hann þá
upp úr Borgarfirðinum, úr Hvítársíðunni og skoðaði Hall-
mundarhraun, en lengst var hann þá uppi á heiðum,
Arnarvatnsheiði og Tvídægru, og á hálendinu vestan við
Langjökul. Á heimleiðinni skoðaði hann þá fjöllin og
óbygðirnar upp af Borgarfirðinum.
Eftir að ríkissjóður Dana tók að styrkja Thorodd-
sen til rannsóknanna, gat hann haft miklu betri útbúnað
en á hinum fyrri ferðum; einnig var nokkuð af ríkissjóðs-
styrknum handa honum sjálfum, til þess að rita um rann-
sóknirnar og vinna úr því efni, sem hann safnaði. Hann
gegndi embætti sínu við lærða skólann 1893 —1894, en
hið næsta fjárhagsár Dana (frá 1. apríl 1894 til 31. mars
1895) naut hann í fyrsta sinn styrksins úr ríkissjóði. Til
þess að geta unnið sem mest að ritstörfum, og ritað
rækilega um rannsóknir sínar og haldið áfram við land-
fræðissöguna, fekk hann leyfi stiftsyfirvaldanna með brjefi
dags. 25. sept. til að taka cand. mag. Bjarna Sæmunds-
son sjer til aðstoðar við kensluna, og 10 dögum síðar
fekk hann leyfi til þess að taka mann sjer til aðstoðar
við umsjón í skólanum, þá er honum bar að annast hana.
Vorið eftir sótti hann um leyfi til þess að dvelja erlendis
næsta skólaár (1895 —1896), til þess að fullgera rit sín
um jarðfræði íslands, gegn því að Bjarni Sæmundsson
gegndi embætti hans á meðan, bæði að því er kensluna
og umsjónina snerti, og fekk hann það með brjefi stifts-