Réttur - 01.01.1955, Blaðsíða 120

120
RÉTTUR
finni hamingjuna í því að vinna sjálf fyrir brauði sínu með því
að nytja gæði þess, og treysti aldrei á neitt annað sér til lífs-
framfæris. Ef þau tengsli slitna er voðinn vís. Meginstarf Sósíal-
istaflokksins síðan hann komst til áhrifa hefir hnigið að því að
efla þessi tengsli. Með baráttunni fyrir uppbyggingu atvinnulífs-
ins á nýsköpunarárunum, með baráttu gegn erlendri hersetu og
öílum hennar afleiðingum, með baráttunni fyrir bættri skólalög-
gjöf og með baráttunni fyrir fjölgun íslenzkra heimila í íslenzk-
um sveitum.
Og því skyldi ekki gleymt, að hvert einasta nýbýli sem reist
er og ræktað forðar einni fjölskyldu frá því að hrekjast með
heimili sitt í hin erlendu víghreiður, og er þannig hlekkur
í þeirri keðju, er tengja þarf þjóðina sem fastast við land sitt,
fortíð sína og menningararfleifð, því á þann eina hátt að skapa
þau tengsl sem sterkust, verður framtíð hennar tryggð sem sjálf-
stæðrar menningarþjóðar. í iandi sínu.