Andvari - 01.01.1929, Page 64

60
Fiskirannsóknir
Andvari
hefir svifið á öllum Selvogsbanka (að eg ekki nefni allt
hrygningarsvæðið við S- og SV-ströndina) í apríllok
þetta ár, en eg býst við því, að þótt sleppt hefði verið
svo sem einni miljarð seiða, klakinni af manna völdum,
á Bankann, í viðbót við hitt, þá mundi það varla hafa
gert neinn mun.
Eg lét í ljósi í síðustu skýrslu þá skoðun, að líklegt
væri, að töluvert eða jafnvel mikið frjóvgaðist af sjálfs-
dáðum af eggjum, sem losnuðu þroskuð úr fiskinum um
gottímann á flatningsborðum togaranna og annara skipa,
sem gera að fiskinum á sjónum, við það að samein-
ast sviljasafanum frá hængunum og að þessi egg gætu
svo klakist náttúrlega í sjónum, ef þau næðu að skolast
óskemmd fyrir borð. Hefi eg þegar sagt frá lítilsháttar
tilraunum, sem eg gerði í Jökuldjúpinu vorið 1927 til
að fá vissu fyrir þessu og ferð mín á Selvogsbanka í
þetta sinn var fyrst og fremst gerð til þess að gera
frekari tilraun, ef auðið yrði. Gat eg síðustu dagana,
sem eg var þar, frjóvgað margt af eggjum, sem eg tók
þar sem þau runnu úr fiskinum út á flatningsborðin og
látið þau í glös; en þar sem klakningin tekur nærri 3
vikur, varð eg að taka glösin heim með mér, þegar eg
fór af skipinu og endurnýja sjóinn á þeim með sjó af
skipalegunni. Að vísu gat eg ekki haldið eggjunum lif-
andi lengur en 6 daga, en þá var líka fósturmyndun
byrjuð í mörgum og þar með tengin vissa fyrir því að
frjóvgun hafði farið fram. Þetta gefur mér ástæðu til að
ítreka bendingu mína til fiskiskipstjóra, að láta sjó
streyma sem mest um aðgerðarplássið á skipunum síð-
ustu 5—6 vikur hrygningartímans, ef þeir með því gætu
bætt nokkuð úr hinni miklu viðkomutortímingu sem
verður, þegar fiskurinn er veiddur um há-gottímann.
Þetta og svo frátökin, sem veðursins vegna verða oft