Uppeldi og menntun - 01.01.1997, Blaðsíða 155

JÓN BALDVIN HANNESSON
liggur ekki fyrir þegar þetta er skrifað en gefnar hafa verið út þrjár áfangaskýrslur
og lokaskýrsla sem skólar og ráðgjafar hafa unnið.
Ekki er ætlandi að gera tæmandi grein fyrir tveggja ára AGN-starfi fjögurra
skóla í fáeinum línum. Hér verða því einungis nefnd fáein atriði sem ráðgjafar telja
sig hafa lært af samstarfinu og skólarnir telja sjálfir að hafi verið árangurinn af
starfinu.
Forgangsverkefni sem skólar völdu sér voru m.a.:
- námsmat og betra upplýsingaflæði,
- betri líðan nemenda, m.a. með því að auka samvinnu þeirra í námi,
skipuleggja viðfangsefni eftir námsgetu, nemendur fái reglulega tæki-
færi til að tjá sig o.fl.,
- umgengni hegðun og tillitssemi,
- reglur og viðurlög,
- aukin virkni nemenda,
- foreldrasamstarf,
- fjölbreyttari kennsluhættir, t.d. með samvinnunámi,
- skipting í námshópa.
Auk þessa var sinnt ýmsum minni verkefnum sem ekki voru gerð að sérstöku for-
gangsverkefni.
Hvað skildi vinnan eftir í skólunum? Því má svara almennt og vitna til skoðana
ráðgjafa en ekki síst skólanna sjálfra: Fagleg umræða jókst, sameiginleg sýn skap-
aðist, kennarar kynntust betur sem einstaklingar og fengu betri heildarsýn, fjöl-
breyttari kennsluaðferðir voru teknar upp, kennurum fannst þeir hafa meiri áhrif á
stjórnun og stefnumótun, vinnubrögð við skipulagningu urðu markvissari, betri
samstaða starfsmanna náðist, foreldrar og nemendur fengu að segja sína skoðun á
sumum „innri málum", kennarar fengu tækifæri til að taka að sér forystuhlutverk
(valddreifing), greiðari boðskipti komust á, nemendur „græddu" ýmislegt í fjöl-
breytni, bættri hegðun, samskiptum og ef til vill námsárangri o.fl.
Annmarkar voru þessir helstir: Árekstrar við önnur störf, umbótastörf voru
krefjandi og tímafrek, byrjun var of hægfara, of seint var farið í verkefni í kennslu-
stofunni, kennarar voru óöryggir og aðgerðakvíði gerði vart við sig á stundum,
ekki tókst að leysa ágreining einstaklinga/hópa, erfitt var að „mæla" ávinning
nemenda, betur hefði þurft að virkja nemendur og foreldra, ráðgjöf til þróunar-
stjórna hefði þurft að ná betur til allra kennara o.fl.
Bæði kostir og gallar, sem hér eru taldir, geta átt við einn eða fleiri skóla og
voru jafnvel mismunandi milli einstakra verkefna. Mismunur á milli skóla var tölu-
verður og árangur í samræmi við það. Um mismunandi skólagerðir var að ræða,
auk þess sem verkefnaval, vinnuhefðir og tími sem fór í verkefnið hafði áhrif.
Skólarnir náðu samt sem áður allir árangri sem hægt er að vera ánægður með þótt
hann hefði stundum mátt vera meiri til að allir væru ánægðir. Ekki er auðvelt að
festa fingur á hvað helst réði úrslitum en þó virðast samskipti og hreinskilni milli
stjórnenda, þróunarstjórn þar með talin, og hins almenna kennara vera grund-
vallarforsenda þess að ágreiningur sé viðraður og sameiginleg niðurstaða náist.
153