Uppeldi og menntun - 01.01.1997, Blaðsíða 127

FRIÐRIK A. DIEGO
strik á stærðfræðikunnáttu. Ég tel, engu að síður, að þetta beri að gera. Ég tel, svo
dæmi sé tekið, óásættanlegt að grunnskólakennari viti ekki hvað frumtala (prím-
tala) er. Ég tel líka óásættanlegt, að grunnskólakennari geti ekki borið saman stærð-
ir á tveimur misstórum pizzum. Ég tel óásættanlegt, að grunnskólakennari kunni
ekki að nefna víxlreglu, tengireglu og dreifireglu.
Umdeilt er hvort námsgreinar grunnskólans teljist lúta sömu lögmálum. Til er
það sjónarmið að grunnskólakennari þurfi fyrst og fremst að kunna til verka í
kennslustofu, en þekkingu á sjálfu námsefninu geti hann tileinkað sér eftir þörfum.
' Almenn kennsluhæfni hans hafi með öðrum orðum slíkt yfirfærslugildi að hann sé
fær um að kenna allar greinar. Ég ætla að leyfa mér að halda því fram, að þetta sé
rangt, eigi alltént ekki við þegar stærðfræði er annars vegar. Það er augljóst, að
kennari verður að geta haldið uppi vinnuaga í kennslustundum, svo þar geti farið
fram nám. En þegar kennari einungis viðheldur góðum aga, en námið er efnislega
innantómt, þá lít ég svo á að hann sé ekki að veita nemendum nógu góða menntun,
en hugsanlega sæmilegt uppeldi.
Það færist í vöxt, að kennslufræði sé tengd tilteknum námsgreinum. Þótt látið
sé liggja á milli hluta, hvaða gildi almenn kennslufræði hefur til yfirfærslu á
kennslufræði stærðfræðinnar, þá skal það ítrekað, að kunnátta, t.d. í íslensku og
sögu, hefur ekki yfirfærslugildi sem þekkingarforði í stærðfræðikennslu.
Þó að menn hljóti að bera mikla virðingu fyrir samviskusamlega unnum störf-
um þorra grunnskólakennara, þá er í hreinskilni sagt óhjákvæmilegt að láta í ljósi
ótta um að stærðfræðikunnátta margra þeirra sé bágborin og sumra jafnvel óviðun-
andi.
Nú er eðlilegt, að leiða hugann að því hverjir sæki í kennaranám. Til grunn-
skólakennslu veljast nú aðallega konur. Segja má, að nærri 90% nemenda í Kenn-
araháskóla Islands séu kvenkyns, eins og fram kemur í Töflu 1.
Tafla 1
Hlutfall kvenna meðal umsækjenda um nám
við Kennaraháskóla Islands'
Ár 1991 1992 ... 1995 1996
Hlutfall kvenna 91% 93% ... 79% 83%
* Byggt á skýrslum inntökunefnda.
Þetta hlutfall hlýtur að teljast stórundarlegt, kann jafnvel að þykja hneyksli, en ekki
er að sama skapi einfalt að túlka þessar tölur. Það mun sennilega þessu skylt, hve
laun kennara eru smánarlega lág hér á landi. Lítil virðing fyrir kennslu er íslend-
ingum til skammar og er hrein móðgun við íslensk börn. Auðvitað gætu þeir, sem
kjósa að kenna í grunnskóla, hæglega unnið önnur störf sem eru mun betur launuð.
125