Hugur - 01.06.2010, Blaðsíða 9

Inngangur ritstjðra
7
listaverksins" ijallar Erlendur Jónsson um það hvers konar hlutir listaverk geti tal-
ist. Hann leiðir þar rök að því að listaverk séu formgerðir. Að lokum birtist þýðing
á greininni „Nietzsche um líkamann sem náttúru" eftir Sigríði Þorgeirsdóttur,
en greinin hefur áður birst í finnskri þýðingu Krista Johansson. Sigríður lýsir þar
náttúru- og mótunarhyggjuhugmyndum Nietzsches um líkamann og setur þau í
víðara samhengi við heimspeki hans.
Auk þemagreinanna er að finna sex aðrar greinar í heftinu. í „Hugarfar gagn-
rýninnar hugsunar" skrifar Guðmundur Heiðar Frímannsson um það hugarfar
sem einkennir gagnrýna hugsun og knýr hana áfram og hvernig gagnrýnin hugs-
un stýrist af rökum. Róbert H. Haraldsson hugleiðir, í Jafningjar guða meðal
manna: Um heimspeki og hring Gýgesar“, hvaða lærdóm megi draga af sögunni
um hring Gýgesar sem rætt er um í Rtkinu eftir Platon. Viðfangsefni Róberts er
það hvort heimspekin gefi okkur sambærilegan mátt og hringur Gýgesar, eða mátt
til að verða ósýnileg, frjáls og voldug. Þóra Björg Sigurðardóttir skrifar greinina
„Osamsett vera sem kölluð er sál“ og kynnir þar til sögunnar bréfaskriftir þeirra
Eh'sabetar af Bæheimi og René Descartes annars vegar og Damaris Cudworth
Masham og Gottfrieds Wilhelms Leibniz hins vegar og gagnrýni Elísabetar og
Damaris Masham á tvíhyggju sálar og líkama. I grein sinni „Freud og dulvitundin
(og listin)“ fjallar Stefán Snævarr um möguleikann á því að við búum yfir dulvit-
und að hætti Freuds og hvernig slík dulvitund gæti tengst svokallaðri þögulli
þekkingu. Hlynur Orri Stefánsson ræðir í greininni „Mælingar og samanburður
á löngunum“ um aðferðir nytja- og ákvörðunarfræði við að mæla langanir fólks.
Lestina rekur svo grein Atla Harðarsonar, „Inn við beinið: Um sjálf og sjálfsþekk-
ingu“, þar sem Atli tekur fyrir sjálfshugtakið og hvað skilningur á því geti leitt af
sér um eðli sjálfsþekkingar.
I heftinu er að finna tvo ritdóma, báða um bækur sem gefnar voru út á síðasta
ári.
Heimspekistofnun Háskóla Islands kann ég þakkir fyrir fjárhagsstuðning við
útgáfuna. Auk þess ber að þakka öllu því góða fólki sem sinnti ritrýni og yfirlestri
og að sjálfsögðu höfundum efnisins, en án þeirra yrði víst harla lítið úr útgáf-
unni.
Eyja Margrét Brynjarsdóttir