Tímarit Máls og menningar - 01.05.1973, Qupperneq 41

Tímabil tötraboTgaranna
ríkismálum og er í rauninni móðgandi fyrir bandarísku stjórnina. En leppa-
skapgerðin og matið er nú einusinni þannig.
Tal Sj álfstæðismanna og útlistanir Morgunblaðsins um „varnarmálin“
spretta af skelfingu braskaranna við að hafa ekki bakhjarl, herinn veitir
þeim öryggið. Með stöðugum áróðri rnn hernaðarlegar varnir landsins vegna
hættu á rússneskri árás, var og er reynt að rugla dómgreind þjóðarinnar og
jafnframt var reynt að telja bjargálna fólki, sem er meginhluti þjóðarinnar,
trú um að hagsmunir þess væru þeir sömu og hagsmunir braskaranna. Við-
kvæðið var að herinn yrði að vera hér meðan ófriðvænlegt væri í heiminum,
en bak við þá klásúlu var: lierinn verður að vera hér, því að hann tryggir
öryggi braskaranna og áhrif Sjálfstæðisflokksins, þótt þjóðin láti ófriðlega
gegn þeim.
Sjálfstæðisflokkurinn vill þakka sjálfum sér og viturlegri stefnu í efna-
hagsmálum framfarir þær sem orðið hafa, svo sem aukinn hagvöxt og betri
lífsafkomu. Þessi einkenni eru af sama toga og þau í Evrópu, aukin fram-
leiðsla, hækkað vöruverð og afleiðingar þess hér á landi hækkað verð á
útflutningsvörum. Þegar Sj álfstæðismenn tala um haftapólitík, skömmtun
o. s. frv., þá var sú pólitík nauðsynleg á sínum tíma og það er ekki stefnu
þeirra að þakka eða kenna að hún er ekki rekin enn, það eru efnahagsað-
stæðurnar sem ráða því. I kreppunni var ekki um annað að ræða en hafta-
pólitík og á stríðsárunum og eftir stríðið var gjaldeyrir af svo skornum
skammti, að hann þurfti að skammta. Þegar efnahagsblóminn hófst í Evrópu
upp úr miðri öldinni, nutum við góðs af því í aukinni eftirspurn eftir fiski
og fiskafurÖum, heimsmarkaðsverðið hækkaði og þessvegna varð rýmra um
gjaldeyri. Trúlega hefði mátt auka meir framleiðsluna hér á landi, með
aukningu skipastólsins, en það var ekki gert vegna sérstæðrar stefnu Sjálf-
stæðisflokksins í þeim málum og vart getur flokkurinn reiknað sér til tekna
orkusölu til erlendra aðila undir eðlilegu kostnaðarverði. Réttmætara er að
segja að hér hafi orðið framfarir þrátt fyrir stjórn Sj álfstæðisflokksins, því
að hún beindist öll að því að þjarma að þeim atvinnuvegum, sem sjálfstæð
tilvera þjóðarinnar var reist á. Auk þess fór því mjög fjarri að um almenn-
ar lífskj arabætur væri að ræða, enda er slíkt andstætt stefnu flokksins. Við-
reisnartímabilið einkenndist af leppmemisku íslenzkra stj órnarvalda gagn-
vart ríkisstjórn Bandaríkjanna, í innanlandsmálum var stjórnað af tilviljunar-
kenndum viÖbrögðum frá degi til dags nema hvað snerti uppsetningu er-
lendra iðjuvera, þar var stjórnað eftir áætlun, reyndar erlendra manna.
Eitt er það sem Sjálfstæðisflokkurinn telur sér til tekna, sem er auknar
31