Skírnir - 01.01.1969, Blaðsíða 31
SKÍRNIR
GUÐRUNARKVIÐA II
29
mjög langa brún á veggtjaldinu og verið jafnframt óaðskilj anlegur
hluti þess. Óhlutlæg merking orðsins kæmi hins vegar skýrt fram í
Hervarar sögu (4. k.), en þar segði svo um Hervöru: „tamdist hún
meir við skot ok skjöld en við sauma ok borða.“ Hér væri, eins og
víðar í Hervararsögu, greint skýrt á milli sauma og borðagerðar.
Hins vegar kæmi sá orðalagsmunur ekki fram í Völsungu, sem þó
væri aðalheimild forn um borðagerð og virtist þar um gullvefnað að
ræða (Goldwirkerei). Til samanburðar vísum Guðrúnarkviðu II tók
Falk orðalag Völsunga sögu um hannyrðir Guðrúnar í Danmörku:
„ . . . sló borða yfir henni ok skrifaði þar á mörg stór verk ok fagra
leika . . . sverð ok brynjur ok allan konungs búnað, skip Sigmundar
konungs, er skriðu fyrir land fram. Ok byrðu þær, er þeir börðust
. . .“ Ennfremur henti Falk á hannyrða-heitið rekja borða í Hel-
reið Brynhildar (1. v.), Oddrúnargráti (17. v.) og samsvarandi frá-
sögn Völsunga sögu (24. k.) „Hún (o: Brynhildur) lagði sinn borða
með gulli ok saumaði á þau stórmerki, er Sigurðr hafði gert,“ og enn
síðar: „Hún sat við einn gullligan borða ok las þar á mín liðin ok
fram komin verk.“ Um þessar frásagnir í heild ályktaði Falk svo:
„Hér er átt við löng veggtjöld, er sýnt hafa samfellda röð atburða og
sjónarsviða eða þess háttar listmuni, sem Ásubergsfundurinn hefur
leitt fram fyrir sjónir manna.“3
Samkvæmt því, sem hér hefur verið rakið, varð niðurstaða Falks
sú, að í vísunum þremur væri átt við einhvers konar myndvefnað
(sbr. einnig skýringu hans á gullbóka, þ. e.: „vefa myndir inn í með
gullþræði“). Af öðrum hannyrðaheitum, sem tilfærð voru hér að
framan, taldi haim þó aðeins eitt, slá borða, hafa táknað vefnað einn
saman, hins vegar hefðu gullbóka, leggja gulli, skrifa og skrift engu
síður getað merkt ísaum. I fornensku hefði byrða4 merkt „sauma í,
baldýra“ og sú merking átt rót sína að rekja til þess, að á fornum
tíma hefði ísaumur einkum verið bundinn við borðagerð og eitt af
grundvailaratriðum hennar.
Finnur Jónsson gizkaði á, að gullbóka hefði táknað að vefa með
spjöldum (og væri bók dregið af bækitré). Falk þótti sú skýring
fjarstæð, og væri notkun orðmyndarinnar bók í þessari og þvílíkri
merkingu fram komin vegna áhrifa frá myndskreytingum í handrit-
um, en eins og ýmsir listfræðingar taldi hann, að þær hefðu haft
grundvallaráhrif á hannyrðir miðalda.5