Skírnir - 01.01.1969, Side 65
SKÍRNIR
UM EÐLI ÍSLENDINGASAGNA
59
ast á lýsingu hans á Fljótsdalsheiði. Heiðarinnar er fyrst getið í
öndverðri sögu, eftir að grein hefur verið gerð fyrir landnámi
Hrafnkels og goðorði:
Fljótsdalsheiði er yfirferðarill, grýtt mjög og blaut, en þó riðu þeir feðgar
jafnan hvorir til annarra, því að gott var í frændsemi þeirra. Hallfreði þótti sú
leið torsótt og leitaði sér leiðar fyrir ofan fell þau er standa í Fljótsdalsheiði;
fékk hann þar þurrari leið og lengri, og heitir þar Hallfreðargata. Þessa leið
fara þeir einir er kunnugastir eru um Fljótsdalsheiði.
Þessi lýsing er almenns eðlis, en hún á eftir að skýrast, því að heið-
in myndar eins konar stef í frásögninni síðar. Eyvindur Bjarnason
ríður vestur yfir hana, og Hrafnkell goði veitir honum eftirför. Þá
verður heiðinni lýst svo glögglega, að lesanda finnst hann ekki ein-
ungis geta séð hana fyrir sjóntun, heldur einnig fundið hana undir
iljum:
Eyvindur ríður þar til er hann kemur vestur á miðja heiðina. Þar heita
Bersagötur. Þar er svarðlaus mýri, og er sem ríði í efju fram, og tók jafnan í
kné eða í miðjan legg, stundum í kvið; þá er undir svo hart sem hellur. Það
þarf enginn að ætla að þar liggi lengra í; þar fyrir vestan er hraun. Þeir riðu
vestur yfir grjótin ...
A leiðinni vestur yfir hratmið ræðast þeir við, Eyvindur og skó-
sveinn hans, en síðan heldur heiðarlýsingin áfram:
Þeir ríða nú vestur af hrauninu. Þá verður fyrir þeim önnur mýri, og heitir
sú Oxamýri; hún er grösug mjög. Þar eru bleytur svo að ókunnum mönnum
er illfært. Eru þær jafnlangar yfir að fara; er þó sú því verri að hún er blaut-
ari, og verða menn því jafnan að leggja af. Lagði af því Hallfreður karl hinar
efri götur þó að þær séu lengri að honum þótti hér illfært fyrir mýrum þessum
tveim. Eyvindur ríður nú vestur á mýrina og hans menn. Lá þá drjúgum í fyrir
þeim, dvaldist þá mjög fyrir þeim ...
Þegar Eyvindur og menn hans eru komnir vestur af mýrinni,
hvetja þeir hann til að ríða undan og bjarga svo lífi sínu, en hann
þverskallast við. Leiðarlýsingin heldur síðan áfram:
Þeir ríða nú við þetta vestur af mýrinni og upp á hálsinn. Fyrir vestan háls-
inn gengur dalur góður og grösugur; en er vestur koma úr þeim dal, þá er
annar háls áður ofan kemur í Hrafnkelsdal. Nú riðu þeir upp á hálsinn hinn
eystra. Á hálsinum standa fjöll hjá þeim, en utan í fjallinu er meltorfa ein
blásin mjög af vindum, en bakkamir háir. Þar eru hagar góðir, þá mýri. Ey-