Skírnir - 01.01.1969, Qupperneq 178
172
BJÖRN K. ÞÓRÓLFSSON
SKÍRNIR
Samþykkt var með þorra atkvæða, að Þingvallafundarmenn
skyldu hafa sex krónur á dag í fæðispeninga og ferðakostnað „eftir
úrskurðuðum reikningi þriggja þar til kjörinna manna“.
í Norður-Múlasýslu munu þingmenn kj ördæmisins, Einar Thor-
lacius, sýslumaður, og Þorvarður Kjerulf, læknir, mest hafa haft
forgöngu um undirbúning að Þingvallafundi.
Fyrir Suður-Múlasýslu voru kosnir á kjörmannafundi að Þing-
múla 27. júlí Páll Pálsson, prestur að Þingmúla, með 18 atkvæðum
og Guttormur Vigfússon, búfræðingur á Strönd, með 11 atkvæðum.
Varafulltrúi Ari Brynj ólfsson, bóndi á Heyklifi,14 sem fékk 10 at-
kvæði á fundinum. Haraldur Ó. Briem, bóndi á Búlandsnesi, fékk
þrjú atkvæði.
Kjörmenn, 20 að tölu, höfðu verið kosnir í 9 af 10 hreppum
sýslunnar, og sóttu þeir allir kjörfund. Einnig er síra Páll Pálsson í
Þingmúla talinn með kjörmönnum, þó að hann væri ekki kosinn
fulltrúi neins hrepps. I Mjóafjarðarhreppi var enginn kjörmaður
kosinn, en á kjörfundinum var lagt fram bréf frá Hjálmari Her-
mannssyni á Brekku til síra Páls í Þingmúla, dagsett 13. júlí, þar sem
skýrt var frá fundi í Mjóafirði á þá lund, að fundarmenn sam-
þykktu í einu hljóði að taka tiltölulegan þátt í greiðslum til full-
trúa, sem Sunnmýlingar mundu senda á Þingvallaftmd „til að sýna
vilja okkar allra, að stjórnarskrármálinu sé haldið áfram af fremsta
megni,“ segir í bréfinu. Samkvæmt kjörgögnum hafa 146 kjósendux
til Alþingis tekið þátt í kosningum kjörmanna. Ekki er vitað hve
margir hafi verið á fundi þeim í Mjóafirði, sem nú var getið, en
varla hafa þar verið færri en svo, að telja megi kjósendur í Suður-
Múlasýslu, sem styðja vildu að því að kjördæmið sendi fulltrúa á
Þingvallafund, 150-60. I sýsluskjöl hennar í Þjóðskjalasafni vantar
kjörskrár til Alþingis um árið 1888 og raunar miklu lengri tíma, og
get ég því ekki með vissu um það sagt, hvort hér sé um að ræða
meirihluta kj ósenda í sýslunni, en sennilega hefur svo verið.
í kjörfundarskýrslunni er ekki getið umræðna um stjórnarskrár-
málið, en fundurinn ályktaði að semja um það ávarp til Jóns Ólafs-
sonar, sem var fyrri þingmaður Sunnmýlinga, en búsettur í Reykja-
vík. Ávarpið með undirskrifuðum nöfnum allra kjörmanna að með-
töldum síra Páli í Þingmúla er til í eftirriti í skjölum Þingvalla-
fundar. Lýsa kjörmenn yfir þeirri skoðun fyrir hönd kjósenda sinna