Skírnir - 01.01.1969, Page 273
SKÍRNIR
SKÝRSLUR OG REIKNINGAR
267
teldi þó óhjákvæmilegt, að félagið lyki ljósprentun sinni á íslenzkum gátum,
þulum og skemmtunum, þar eð hún hefði þegar verið hafin.
4. Forseti las upp reikninga félagsins fyrir síðasta ár í fjarveru gjaldkera,
ennfremur reikninga Afmælissjóðs og sjóða Margrétar Lehmann-Filhés. Gat
hann þess m. a., að á þessum reikningum kæmi ekki fram fullnaðaruppgjör við
Bókaverzlun Sigfúsar Eymundssonar.
Eggert Briem gerði fyrirspum um brunatjón félagsins. Hann sagði, að gleggri
grein þyrfti að gera fyrir einstökum liðum reikninganna en að undanfömu hefði
verið gert; félagatal þyrfti sömuleiðis að vera nákvæmt.
Jón Aðalsteinn Jónsson sagði, að ljóst lægi fyrir, hvað Bókaverzlun Sigfúsar
Eymundssonar hefði fengið af bókum hjá bókaverði félagsins, þar eð bmninn
árið 1967 hefði ekki náð til þeirra. Þessu næst afgreiddi fundurinn reikningana.
5. Kosning endurskoðenda. Fyrrverandi endurskoðendur félagsins, þeir Guð-
mundur Skaftason hdl. og Gústav A. Ágústsson endurskoðandi voru endur-
kjömir í einu hljóði.
6. Aðalgeir Kristjánsson cand. mag. flutti fróðlegt erindi um bréfasafn Brynj-
ólfs Péturssonar.
Fundinn sátu um 40 manns.
Fleixa gerðist ekki. Fundi slitið.
Sigurður Líndal
Óskar Halldórsson
AÐALFUNDUR
Hins íslenzka bókmenntafélags var haldinn 1. nóvember 1969 að Hótel Sögu,
og hófst hann kl. 2 síðdegis.
Þetta gerðist:
1. Forseti setti fundinn og stjórnaði honum, en skrifari ritaði fundargerð.
2. Forseti flutti skýrslu um starfsemi félagsins. Gerði hann m. a. grein fyrir
bókaútgáfu þess á árinu og næstu verkefnum og framtíðarhorfum. (Sjá nánar
Bréf til félagsmanna bls. 269-71.)
3. Gjaldkeri las upp reikninga félagsins og skýrði þá. Voru þeir síðan sam-
þykktir án athugasemda.
4. Árni Halldórsson hrl. tók til máls og hreyfði þeirri hugmynd, að félagið
tæki upp samband og nokkra samvinnu við Vísindafélag Færeyinga (Fproya
Fróðskaparfelag). Gæti báðum félögunum orðið nokkur styrkur að slíkum
tengslum, auk þess sem þau myndu efla menningarsamband milli þessara frænd-
þjóða.
Forseti kvað þessa hugmynd mjög áhugaverða og myndi hann taka hana
til athugunar.
Nokkrar umræður urðu um Skími. Jón úr Vör lagði til, að ritið kæmi út
oftar á ári, t. a. m. þrisvar. Taldi hann líklegt, að félagið væri þess megnugt, en