Skírnir - 01.01.1969, Page 275
SKIRNIR
SKYRSLUR OG REIKNINGAR
269
3. / hraðfara heimi, eftir Edmund Leach, í þýðingu Haralds Ólafssonar dag-
skrárstjóra Ríkisútvarpsins. Bók þessi er safn erinda, sem flutt voru í útvarpið
síðastliðinn vetur, þar sem fjallað er um ýmis málefni nútímans á nýstárlegan
hátt.
4. Hið íslenzka bókmenntafélag - söguágrip - eftir Sigurð Líndal hæsta-
réttarritara og forseta Hins íslenzka bókmenntafélags. Er hér um að ræða
sérprentun þriggja greina, er birtust í Lesbók Morgunblaðsins sl. sumar, í
þeim tilgangi að kynna félagið. Er bæklingi þessum ætlað sama hlutverk og
einkum tekinn saman handa utanfélagsmönnum. Félagsmönnum er hann sendur
með þeim tilmælum, að þeir sýni hann einhverjum, sem áhuga kynnu að hafa
á starfsemi Bókmenntafélagsins og vildu etv. gerast félagsmenn.
Með hliðsjón af þessu hefur árgjald félagsmanna 1969 verið ákveðið kr.
750.00. Er það eins lágt og frekast er kostur og raunar of lágt miðað við allan
tilkostnað. Má geta þess ma., að prentunarkostnaður hefur hækkað um 30%
frá því sem var sl. ár. Er von forráðamanna félagsins sú, að takast megi að
fjölga félögum svo, að bilið brúist.
Aðrar útgáfubœkur verða þessar:
1. Islenzkt fornbréfasafn XVI. bindi. 7. hefti - efnisyfirlit og registur. Er
XVI. bindi fombréfasafns lokið með þessu hefti. Björn Þorsteinsson sagnfræð-
ingur hefur annazt útgáfuna. Verð þessa heftis er kr. 300.00 til félagsmanna, en
bókhlöðuverð kr. 400.00.
Athygli skal vakin á sérstöku pöntunarkorti, sem fylgir félagsbókum.
2. íslenzkar gátur, þulur og skemmtanir. Ljósprentun þessa verks er nú
lokið og kemur það út alveg á næstunni að öllu forfallalausu .
Eins og félagsmönnum er kunnugt, hafa þegar verið ljósprentuð 3 hefti
þessa rits, 1.-3. hefti - að vísu í 2 heftum, og endaði ljósprentun á bls. 224 í
II. bindi. Þessi hefti fylgdu Skími á sínum tíma og eru því væntanlega í eigu
flestra félagsmanna. Sá háttur verður á hafður, að þeim félagsmönnum verður
gefinn kostur á að eignast framhaldið, sem þess óska, og mun pöntunarkort
fylgja félagsbókum, þar sem nánari grein verður gerð fyrir skilmálum.
Félagið hefur ýmislegt í undirbúningi, og skulu eftirtalin rit nefnd.
1. Annálar 1400-1800
Vísað skal til þess, sem sagði um þetta rit í síðasta bréfi til félagsmanna,
sbr. Skími, bls. 207. Unnið hefur verið á þessu ári að útgáfu texta, en
verkið reynist tafsamara en ætlað var, og er því ekki unnt að segja til um,
hvenær því muni ljúka.
2. Islenzkar œviskrár
Einnig skal vísað til greinargerðar í síðasta bréfi til félagsmanna, sbr. Skími,
1968, bls. 207, með þeirri viðbót þó, að víst má telja, að handrit 6. bindis verði
tilbúið á næsta ári - 1970.