Heilbrigðisskýrslur - 01.12.1947, Blaðsíða 7
I. Árferði og almenn afkoma.
Tíðarfarið á árinu 19471) má telja yfirleitt frekar óhagstætt. Meðal-
hiti ársins var í rúmu meðallagi. Úrkoma var í riimu meðallagi. Vetur-
inn 1946—1947 (des.—marz) var hagstæður framan af, en síðara
hluta febrúar og þó einkum í marz var víða snjóþungt og erfitt um
flutninga og hagar afleitir. 29. marz byrjaði Heklugos. Hiti var um
meðallag og úrkoma heldur minni en meðallag. Vorið (april—mai)
var óhagstætt framan af, en síðara hlutann mjög gott. Gróðri fór vel
fram. Hiti var lítið eitt yfir meðallagi og úrkoma mun meiri en
meðallag. Sumarið (júní—sept.) var óhagstætt á Suður- og Vestur-
landi, en hagstæðara fyrir norðan og' austan. Gróðri fór sæmilega
fram, nema þar sem öskufall spillti honum í nærsveitum Heklu.
Heyskapartíð var góð á Norður- og Austurlandi, en með afbrigðum
slæm á Suður- og Vesturlandi og það svo, að til vandræða horfði
sums staðar. Hiti var nokkuð yfir meðallagi og úrkoma töluvert meiri
en venjulega. Sólskinsstundir í Reykjavík voru 215 færri en meðaltal
20 sumra, en á Akureyri voru þær 16 ldst. lengur en meðaltal 15
sumra. Haustið (okt.—nóv.) var hagstætt framan af, og bætti það að
nokkru um nýtingu heyja, þar sem verst stóð á. Síðara hlutann var
veður frekar rysjótt og fannkoma það mikil fyrir norðan, að skaðar
urðu á fé. Hiti og úrkoma voru um meðallag.
Þrátt fyrir gjaldeyriserfiðleika hélzt atvinnuástandið í landinu yfir-
leitt í sama horfi sem verið hefur undanfarin velgengnisár. Atvinnu-
leysi gat ekkert heitið. Vöruþurrð varð nokkur, og á síðara helmingi
ársins var tekin upp skömmtun helztu nauðsynja, bæði til að spara
gjaldeyri og einkum til að koma í veg fyrir ójafna dreifingu. Kaupgjald
verkafólks hækkaði víða nokkuð, einkum til samræmingar, en á launa-
kjörurn fastlaunafólks munu ekki hafa orðið verulegar breytingar.
Framfærsluvísitalan fór hækkandi á árinu eða úr 310 í janúar upp í
328 í desember. Meðalverðlagsvísitala ársins var 315, en 292,8 á næst
liðnu ári.
Flestir héraðslæknar láta vel af afkomu héraðsbúa sinna án þess að
fara þar um fleiri orðum, en aðrir bæta við nokkrum athugasemdum,
sem hér greinir:2)
1) Samkvæmt greinargerð Veðurstofunnar.
2) Ársskýrslur (yfirlitsskýrslur) hafa ekki borizt úr Borgarnes, Flateyjar, Pat-
reksíj., Árnes, Siglufj., Húsavíkur, Eskifj., Djúpavogs og Stórólfshvols.