Tímarit um menntarannsóknir - 01.01.2014, Síða 10

eiga að fara eftir inntaki hans, en það snýst
um viðeigandi vernd fyrir börn og virð-
ingu fyrir þeim. Gunnar og Halla varpa
fram áleitnum spurningum um hlutverk
kennara í túlkun sáttmálans og siðferðileg
ágreiningsmál sem upp geta komið.
Brynjar Ólafsson, Gísli Þorsteinsson og
Ossi Autio skrifa grein um grunnskóla-
starf. Greinin heitir Viðhorf grurtnskóla-
nemenda á Islandi og í Finnlandi til tækni
og námsgreinarinnar hönnunar og smíði.
Þar eru borin saman mismunandi gildi í
löndunum tveimur varðandi viðhorf til
kennslugreinarinnar hönnunar og smíði.
í Finnlandi hefur þessi kennslugrein fyrst
og fremst það hlutverk að stuðla að al-
hliða þroska ungmenna, en á íslandi hefur
áherslan færst yfir á hönnun, nýsköpun
og tækni. Viðhorf nemenda í löndunum
tveimur til kennslugreinarinnar eru borin
saman og viðhorf þeirra íslensku reynast
mun jákvæðari.
Kolbrún Þ. Pálsdóttir, Brynja Elísabeth
Halldórsdóttir og Ester Helga Líneyjar-
dóttir skrifa um grunnskólastarf í grein
sinni Viðhorf til samþættingar skóla- og fri-
stundastarfs í fjölmenningarskóla. Þar var
athugað hvernig það hafði reynst að sam-
þætta skólastarfið og frístundastarfið þar
sem 70% nemenda höfðu íslensku sem
annað mál. Fram komu jákvæð áhrif af
samþættingunni og að hún hefði á virkan
hátt stuðlað að fjölmenningu í skólanum.
Þó þyrfti að skýra betur hlutverk þeirra
sem að þessu standa til að sem bestur ár-
angur náist.
Víðar er þó verið að mennta fólk en í
grunnskólum. Vanda Sigurgeirsdóttir og
Jakob Frímann Þorsteinsson skrifa grein
sem heitir Gæði og gagnsemi náms í tóm-
stunda- og félagsmálafræði. Rannsókn meðal
brautskráðra nemenda 2005-2012. Nemend-
ur úr tómstunda- og félagsmálafræði fara
margir til starfa í grunnskólum, en starfs-
vettvangur þeirra er þó mun víðari en það.
Reynt var að ná til sem flestra af þeim sem
útskrifast hafa úr náminu síðan árið 2005.
Heildarniðurstöður eru að nemendur telja
námið hafa verið bæði gott og gagnlegt
fyrir sig, en þeir komu þó fram með ýmsar
ábendingar um að bæta það enn.
Háskólakennarar sem mennta aðra
kennara og starfsfólk til annarra starfa sem
krefjast háskólaprófa þurfa að kunna til
verka svo að kennsla þeirra nýtist sem best.
Um þetta skrifar Sigríður Halldórsdóttir
greinina Kenning um hinn góða háskólakenn-
ara: Hvaða eiginleika ogfærni þurfa góðir há-
skólakennarar að hafa? Ein af niðurstöðum
Sigríðar er að háskólakennarar þurfi að
hafa færni á sjö sviðum: samskiptafærni,
kennslufærni, umhyggjufæmi, tilvistar-
færni, siðferðilega færni, færni í að efla há-
skólanema og fæmi í ígrundun og sjálfs-
rækt.
Hér er verið að leggja í hendur kennur-
um og skólafólki ýmislegt sem ætti að geta
hentað til að létta þeim störfin og gera þau
markvissari. Ritnefnd Timarits um mennta-
rannsóknir vonast til að þessar rannsóknir
gagnist þeim sem þurfa á þeirri vitneskju
að halda sem hér er lögð fram. Loks eru
hér færðar kærar þakkir þeim sem komið
hafa að útgáfunni; ritnefnd, ritrýnum, yfir-
lesumm, höfundum, umbrotsmanni og
Háskólaútgáfunni.
Sigurlína Davíðsdóttir