Ársrit Hins íslenska fræðafjelags í Kaupmannahöfn - 01.01.1923, Page 9

1 'orvai'lur Thoroddsen
9
leika hjá þeim, einkum ef þeir sjálfir hafa mikinn áhuga.
Enn fremur var forvaldur bæði mannblendinn og lipur,
viðfeldinn og ræðinn, laus við feimni og átti því snemma
mjög hægt með að kynnast mönnum. Alt þetta studdi
að því, að hann komst í töluvert meiri kynni við Dani
en títt er um Islendinga á háskólanum. Hann var því
stundum boðinn til kennara sinna, einkum til Steenstrups,
er bauð oft nemendum sínum, og til foreldra sumra
námsbræðra sinna. Auk þess kom hann oft nokkuð til
Jóns Sigurðssonar, og kyntist ýmsum hinum helstu ís-
lendingum, sem voru þá í Kaupmannahöfn.
Haustið 1880 var gagnfræðaskóli settur að Möðruvöll-
um og var þá enginn náttúrufræðingur til, að minsta kosti
eigi meðal hinna yngri manna, nema Porvaldur Thor-
oddsen. Honum var þá um vorið boðið kennaraembætti
við skólann, og sótti hann um það eftir að hafa ráðfært
sig um það við kennara sína; þótti þeim það ráðlegt, því
að eigi var um neina aðra stöðu fyrir náttúrufræðing að
ræða á íslandi, nema eitt kennaraembætti við latínuskól-
ann, en það hafði þá verið veitt fyrir fáum árum; var
því ólíklegt, að Þorvaldur gæti fengið nokkra atvinnu á
íslandi, ef hann ljeti stöðu þessa fara frá sjer. Hann
ætlaði sjer annars að taka meistarapróf í náttúrufræði
árið eftir, og hafa dýrafræði fyrir aðalnámsgrein. 30.
júní 1880 var Jón Hjaltalín skipaður skólastjóri og fyrsti
kennari að Möðruvöllum frá 1. september, svo að hann
hafði mánuðartíma til þess að undirbúa skólastofnunina,
og sama dag var Porvaldur Thoroddsen skipaður þar
annar kennari frá 1. október að telja, sama dag sem
skólinn átti að byrja. En um það leyti sem það var
ákveðið, að Porvaldur yrði kennari á Möðruvöllum, fekk
hann styrk hjá stjórn íslands til þess að kynna sjer gagn-
fræða- og alþýðuskóla í Svíþjóð, og fór hann þangað um