Ársrit Hins íslenska fræðafjelags í Kaupmannahöfn - 01.01.1923, Síða 51

í’orvaldur Thoroddsen
51
rik VIII. væri enn konungur á íslandi og ísland enn þá
samkvæmt stjórnarskránni hluti Danaveldis. I’ví næst
segir hann:
»Jeg verð að játa það, að það hefur altaf stórlega
glatt mig, að heyra íslands og íslendinga getið að góðu.
Önnur lönd telja það sóma sinn, ef einhverjum syni þeirra
er heiður sýndur, en jeg hef ekki orðið var við miklar
tilfinningar í þá átt í íslenskum blöðum. Framan af,
þangað til jeg hafði tvo um þritugt, töluðu flest íslensk
blöð hlýlega um rannsóknir mínar og önnur störf, síðan
hafa blöðin mjög sjaldan nefnt vísindastörf mín og aldrei
getið um nein rit, sem jeg hef gefið út, en þá er um
mig hefur verið getið, hefur oftast staðið kaldur gustur
þaðan í minn garð, hvað sem því veldur. Jeg mun samt
jafnan bera hinn sama hug til Islands, sem jeg hef altaf
haft; tímar og hugmyndir breytast, nýjar kynslóðir með
mismunandi skapferli og heilbrigði elta hver aðra, en ís-
land stendur.«
Pá svarar hann eftirtölum Ingólfs, og segir svo:
»Grein yðar getur þess, að ísland hafi »aldrei talið neitt
af því ofgott, er jeg girntist og það hafði föng á að veita«,
og að jeg hafi inotið alls mjúkleika Fjallkonunnar, sem hún
átti til«. Svo er nú það! Hjer er komið við kaun, sem jeg
ógjarnan vildi snerta, en jeg verð þó að gera það til þess að
mótmæla skökkum skoðunum. Allar nýjungar og öll ný fyr-
irtæki og hugmyndir mæta mótspyrnu og tortryggni, og mjer
er ekki vandara um en öðrum; en svo mikið er víst, að
Fjallkonan hefur ekki látið mig hvíla í traföskjum fremur en
aðra syni sína.
Ferðastyrkur sá, sem mjer var veittur af alþingi á árun-
um 1881—87 hrökk sjaldan fyrir kostnaði, svo að jeg
varð að leggja allmikið fje úr eigin vasa til ferðanna, og svo
fekst styrkurinn aldrei nerna með mikilli fyrirhöfn, sífeldu
nöldri og eftirtölum; í Alþingistíðindunum sjást nóg rök fyrir
þessu. Á alþingi 1889 var styrkurinn algjörlega tekinn af
mjer. í’að var þakklætið fyrir að jeg 'nafði í sumarfríum mín-
um legið mánuðum saman uppi á hinum hrjóstrugustu öræí-
um íslands og unnið kauplaust að mælingum landsins í öll
4'