Ársrit Hins íslenska fræðafjelags í Kaupmannahöfn - 01.01.1923, Qupperneq 154

54
Æfisaga Mathildar Wrede. Gyðinga saga
margar sögur prýðilega vel sagðar, og mikinn fróðleik að fá
um föður hennar og ýmsa þá menn, sem nefndir eru í skáld-
sögum hennar.
Ingeborg Maria Sick. Fangernes Ven, Kbh. 1921.
4 + 188 bls. (Gyldendal). Verð 6 kr. 75 au. Með mynd.
Bók þessi er um Mathilda Wrede, hina ágætu finsk-sænsku
konu, er ver lífi sínu til þess að hjálpa bandingjum. Hún
hefur varla átt sinn líka í víðri veröld nema hina ágætu ensku
konu Elizabeth Fry (1780 — 1845); þó vann hun á annan
hátt, og þótt hún kæmi afarmiklu til vegar og fengi bætt
fyrirkomulag í varðhöldunum og meðferð á bandingjunum,
virðist hún þó sjálf varla hafa lagt eins mikið í sölurnar fyrir
fangana. eins og Mathilda Wrede. Höfundur bókar þessarar,
Ingeborg Maria Sick. ritar fegurstar bækur af dönskum kon-
um nú á tímum. Hún þekkir Matthilda Wrede og 1920
kom út í Helsingfors bók um hana eftir Evu Fogelberg, hef-
ur Ingeborg Sick stuðst við það rit. Frá Mathilda Wrede hefur
verið dálítið skýrt í fyrirlestri einum, er prentaður er í Hlín
2. árgangi, bls. 49—58. Æfisaga hennar er sem æfintýri,
og starf hennar er dásamlegt. Slíka bók þykir mörgum gam-
an að lesa og hún mundi hafa góð áhrif á einhverja. Hún
styrkir viljann og vekur. Það væri æskilegt, að bók þessi
kæmi út á íslensku. Hjer í landi hefur hver útgáfan komið
út eftir aðra; fyrsta útgáfan kom þó út rjett eftir að síðasta
Arsritið var prentað fyrir hálfu öðru ári.
Frants Buhl, Det israelitiske Folks Historie,
sjötta útgáfa endurbætt. Kmh. 1922 (Gyldendal). 12 -f- 450
bls. Verð 10 kr. 75 au.
Gyðingar hafa haft meiri þýðingu fyrir oss íslendinga en
nokkur önnur þjóð í Austurálfunni eða í öðrum heimsálfum
en Norðurálfunni. Sögubók prófessors Buhls er eflaust hin
besta og áreiðanlegasta Gyðingasaga, sem rituð hefur verið á
Norðurlöndum, a. m. k. á hún eigi sinn líka á dönsku eða
norsku. Hún nær frá upphafi Gyðinga fram til eyðileggingar
Jerúsalemsborgar 70 árum eftir Krist. Höfundurinn er ein-
hver hinn lærðasti maður, sem nú er uppi, í trúbrögðum Gyð-
inga og tungumálum Semíta og Austurlanda. Hann hefur
lengi verið prófessor bæði við háskólann í Kaupmannahöfn og
við háskólann í Leipzig; eru til eftir hann ýms ágæt rit um
Gyðinga og Araba og þýðingar á bókum Gamla testamentis-
ins. í sögu þessari hefur hann tekið tillit til allra hinna nýj-
ustu rannsókna á rústum í Gyðingalandi og hann skýrir frá
heimildarritunum og hinum helstu nýrri ritum um sögu Gyðinga.