Ársrit Hins íslenska fræðafjelags í Kaupmannahöfn - 01.01.1923, Síða 158

5»
Mannkynssaga frá 1866 til 1922
bæði eftir Dani og Norðmenn, að hundruðum skiftir. Einnig
hefur hún gefið út tvær bækur eftir Þorvald Thoroddsen,
ágrip af lýsingu íslands, 3. útg., og danska þýðingu af henni,
sem heitir »Island Land og Folk«. Þessar bækur komu út
1919. Fyrir deildinni í Kaupmannahöfn er bóksali, sem
heitir Martin Creutz, ágætur maður. Bókaverslun þessi
hefur sýnt íslandi þá góðvild að senda Landsbókasafninu að
gjöf allar þær bækur, sem hún gefur út.
Verdenshistorisn fra 1866 til vore Dage. Udgivet
af Povl Engelstoft og Fred. Nörgaard. Kbh. 1922 (Asche-
houg) 8-(-496 bls., stórt 8. Verð 15 kr. — Islendingar eiga
enga mannkynssögu um nýja tímann eftir 1830, einmitt um
þann tíma, sem oss öllum ríður mest á að þekkja. Þeir eiga
að vísu Norðurlanda sögu, sem nær fram til um 1870, en
það bætir ekkert úr því, er aðrar þjóðir snertir. F'eir eiga
eigi heldur nú neitt gott frjettarit, eins og Skírnir var fyr á
dögum. Frjettirnar í íslenskum blöðum eru nú venjulega
einskis verðar að því er snertir hag mannkynsins, pólitiskar
stefnur og stjórnarfar, og þótt einstaka blaðstjóri eins og t. a.
m. ritstjóri Lögrjettu, hafi stundum gert sjer farum að flytja greini-
legar og fræðandi frjettir, þá eru þær þó eigi til framþúðar,
því að menn fleygja blöðunum. Ef íslendingar vilja fræðast
um sögu nútíðarinnar verða þeir að lesa útlendar sögubækur.
En eins og ástandið er nú í heiminum, er best fyrir þá að
lesa þær sögubækur, sem koma út á Norðurlöndum. Stór-
þjóðirnar eiga í hinni mestu baráttu, og sögurit þeirra eru
svo hlutdræg, einkum þau, sem ætluð eru almenningi og eru
um almenna sögu mannkynsins, Hver þeirra segir mest af
sjálfri sjer og fegrar gjörðir sínar, en hallar á óvini sfna. Þó
eru til heiðarlegar undantekningar á meðal þeirra.
Mannkynssaga sú, er hjer ræðir um, er ágæt bók handa
íslendingum. Hana hafa ritað ýmsir ungir sagnfræðingar og
kennarar, hún nær fram til 1922. Einhver besti kaflinn í
henni er þátturinn um Þýskaland. í henni er ekkert um
Norðurlönd, af því að rúmið í bókinni leyfði eigi að segja
neitt greinilega af þeim, og þýðing þeirra er heldur lítil, þá
er um alt mannkynið er að ræða. Nú ráða stórveldin, rán-
veldin, mestu, og heimsófriðurinn er verk þeirra.
Gyldendals illustrerede Verdenshistorie er nú öll
komin út, 6 bindi, og nær fram til 1921, kostar 75 kr. óinn-
bundin, en 90 kr. í einföldu bandi. Það er líka ágæt bók
handa íslendingum, og í henni eru margar myndir, sjá Árs-
ritið, V, 130 —135.