Réttur - 01.01.1955, Qupperneq 77

RÉTTUR
77
Til þess að hvert býli hefði 12.5 ha. tún vantar þá þessa fyrr-
nefndu ræktun 34800 ha. Eða m. ö. o. allmikið meira en nú er
á þessum býlum. Sýnir þetta bezt hvert verkefni hér er framund-
an, því það má áreiðanlega fullyrða að ekki muni langt líða,
þangað til ekki verður talið viðunandi að hafa minna ræktað land
á býli, nema þar sem sérstakar aðstæður aðrar eru fyrir hendi,
s. s. sérstaklega góð beitarskilyrði, áveitur eða þ. u. 1. Og eftir því
sem meiri kröfur verða gerðar til mikilla afurða miðað við bú-
stærðina, vex þörfin fyrir ræktaða landið, þvi við það eykst
nauðsyn fyrir ræktað beitiland. Þess vegna ber alls ekki að skilja
þetta svo, að því sé hér með slegið föstu, að í framtíðinni muni
fyrrnefnd túnstærð verða talin hæfileg sem lágmarkstúnstærð
á býli. Þetta dæmi er tekið til að vera sem næst fyrrnefndu
ákvæði nýbýlalaganna um lágmarksstærð ræktanlegs lands á
nýbýlum, sem hæfilegt þótti fyrir 10 árum. Hins vegar hefur ný-
býlastjórn ætíð reynt .að tryggja nýbýlum þeim, er hún hefur
samþykkt meiri stærð ræktanlegs lands, til þess að tryggja franv
tíðina betur.
Þá skal einnig bent á það, að ef við viljum hækka markið um
2% ha. upp í 15 ha. á býli, þá krefur það slíkrar viðbótar á meira
en 5000 jörðum, eða samtals ca. 13000 ha. Eru miklar líkur til
að þetta verði fljótlega lágmarkskrafan. Þess ber þó einnig að
geta, að síðan þessar skýrslur voru gerðar, hefur ræktuninni
nokkuð miðað áfam, líklega milli tvö og þrjú þús. ha. á ári. En
þar eru nýbýlin meðtalin. Er því komið nokkru nær aukningunni
nú. Þrátt fyrir það sýna þessar tölur hvílíkt geysilegt verkefni
er framundan, í ræktunarmálunum til þess að koma búskapnum
á núverandi býlum í gott horf. Þrátt fyrir það sem fyrr er sagt
um framleiðsluaukninguna, er þetta stutt á veg komið. En það
gefur einnig fyrirheit um hvers vænta má af landbúnaðinum í
framleiðslu þjóðartekna, þegar framleiðslumöguleikamir vaxa svo
sem hér er gert ráð fyrir, og véltæknin fer að notast betur með
vaxandi framleiðslu.
★ Byggingamálin
Byggingamálin eru sú tegund framkvæmda, sem einna mestum
vanda veldur við uppbyggingu landbúnaðar í landi sem okkar,
þar sem á svo stuttum tíma verður að byggja allt frá grunni. í