Réttur - 01.01.1955, Qupperneq 85

RÉTTUR
85
Eins og fyrr var fram tekið átti stofnun byggðahverfanna að
vera annar aðalþáttur í starfi Landnámsins. Hefir einnig í
því verið þegar unnið stórt átak. En svo sem að líkum lætur
krefur slíkt mikils undirbúningsstarfs.
Sumstaðar hefir ríkið afhent Landnáminu land, sem var í
eigu þess. En annarstaðar hefir orðið að semja um landkaup við
einstaklinga og stundum fleiri en einn á sömu stöðum til að
ná eignarhaldi á sem hagfeldustu landi.
Unnið hefur verið að framkvæmdum til stofunar byggða-
hverfa á eftirtöldum stöðum:
1. Hvolsvelli í Rangárvallasýslu
2. Ölfushreppi í Árnessýslu
3. Reykhólum í Barðastrandasýslu
4. Skinnastöðum í Austur- Húnavatnssýslu
5. Auðkúlu í Austur- Húnavatnssýslu
6. Víðimýri í Skagafjarðarsýslu
7. Lýtingstaðahreppi í Skagafjarðarsýslu
8. Ljósavatnshreppi í Suður- Þingeyjasýslu
9. Þinganesi í Austur-Skaftafellssýslu.
Þá er og fyrirhugað að framkvæmdir hefjist á Fljótsdalshéraði
á þessu ári, og hefir í því skyni verið gengið frá landakaupum
þar. Enn fremur hefir verið gengið frá landakaupum í Álfta-
neshreppi í Mýrarsýslu og verður vonandi hægt að hefjast
handa um framkvæmdir þar á næsta ári
Á þessum landssvæðum hafa verið ræstir fram samtals
allt að 1700 ha. enda er framræslan það fyrsta er framkvæma
þarf, og óvíða svo mikið til af ræktanlegu samfelldu þurrlendi
að hægt sé að byggja verulegar framkvæmdir á því einu.
Mun rúmmál þessara skurða nema samtals 750 þús. teningsm.
Þá hafa einnig verið lagðir allmiklir vegir og girðingar
byggðar. Ennfremur hafa verið fullræktaðir 270—280 ha.
Fáir munu þeir, er á málefni landbúnaðarins líta með skilningi,
að þeir neiti því að þarna sé verið að skapa skilyrði fyrir glæsi-
legustu sveitabyggðir á ísland. Órækt vitin þess er líka Ölfus-
hverfið þar sem framkvæmdir voru fyrst hafnar og er því að
öllu leyti lengst á veg komið.
Fyrirhugað er að um 70 býli geti byggzt á þeim stöðum sem
þegar eru nefndir. Er Fljótsdalshérað þar meðtalið en Álftanes-
hreppur ekki. Eru þetta- 7 býli að meðaltali í hverju hverfi. Þegar