Andvari - 01.01.2003, Blaðsíða 21

ANDVARI
HANNIBAL VALDIMARSSON
19
fáni þeirra, Dannebrog, kom svífandi niður af himni þegar Valdimar
konungur átti í orustu í Eistlandi árið 1219. Tveim dögum síðar, á
þjóðhátíðardag íslendinga, var upplitið ekki eins bjart á okkar manni.
Hann gekk í kennslumálaráðuneytið og fékk þar þau svör að hann
fengi enga undanþágu til skólavistar á kennaraskóla ríkisins því búið
væri að herða inntökuskilyrðin. Best væri fyrir hann að sækja um í
aðra kennaraskóla sem reknir voru af einkaaðilum. Eftir að hafa
kannað þann möguleika og komist að því að hann var ókleifur vegna
kostnaðar, hélt Hannibal til Jonstrup kennaraskólans, utan við Kaup-
mannahöfn, í von um að síðasta hálmstráið héldi.
Jonstrup Statsseminarium, kennaraskóli danska ríkisins, rakti sögu
sína allt aftur til tíma einveldis og upplýsingar árið 1791.9 Snemma á
19. öld hafði skólinn verið fluttur úr sollinum í Kaupmannahöfn til
Jonstrup í Værlpse, rétt utan við borgina. í fögru umhverfi Sjálands,
víðu dalverpi, umkringdar skógarbelti með stöðuvatn að baki, stóðu
reisulegar og fomlegar byggingar skólans. Þar réð húsum Stig Breds-
trup, rektor skólans, íhaldsmaður af gamla skólanum, mikilúðlegur og
gildur á velli. Hannibal náði fundi hans heitan, sólríkan sumardag og
bar upp fyrir hann erindi sín. Bredstrup tók honum vel og ákvað að
hann skyldi taka inntökuprófin sem hæfust eftir viku og sjá til hvort
honum tækist ekki að komast inn í skólann. í hönd fór vika lestrar og
kvíða. Prófað var í dönskum stíl, skrift, stærðfræði, sögu, landafræði,
grasafræði og dýrafræði. Eftir hvern dag var tilkynnt um þá sem hefðu
fallið. Þannig fækkaði í hópnum dag frá degi úr 50 í 30. A hverjum
degi bjóst Hannibal við fallinu en að lokum varð Ijóst að hann var
meðal hinna hólpnu. Síðar læddist sú hugsun að Hannibal, að Breds-
trup rektor hafi vegna aðstæðna hans og bréflegra ráðlegginga, bjargað
honum að landi úr prófunum. Bæði vegna þess hvernig ráðuneytið
afgreiddi hans mál og kannski ekki síður af því að Nina Bang, ráðherr-
ann sem stóð í vegi fyrir að ráðleggingar hans til íslensks námsmanns
næðu fram að ganga, var bæði kona og sósíaldemokrat!10
Ekki er vitað til þess að Hannibal hafi haft bein afskipti af stjóm-
málum þegar hann fór til náms í Danmörku eða á meðan hann dvaldi
þar. Lífsbarátta foreldra hans, kynni af vinnu til sjós og lands á
unglingsárum og árin á ísafirði og Akureyri hafa áreiðanlega átt þátt í
mótun lífsskoðana hans. A málfundum nemenda Gagnfræðaskólans á
Akureyri tók hann þátt í umræðum, en mun ekki hafa aðhyllst einn
flokk umfram annan. Á ísafirði og Akureyri hefur Hannibal kynnst