Andvari - 01.01.2003, Blaðsíða 48

46
SIGURÐUR PÉTURSSON
ANDVARI
varð Finnur Jónsson, en síðan komu nýju mennirnir Guðmundur G.
Hagalín og Hannibal Valdimarsson. Þar á eftir komu þrautreyndir
bæjarfulltrúar, Jón H. Sigmundsson og Eiríkur Einarsson. Var þessi röð
látin halda sér.
Efstur á lista kommúnista var Eggert H. Þorbjarnarson, 23ja ára
gamall ísfirðingur. Hann var „réttlínumaður“ í flokknum, en svo voru
þeir kallaðir sem dyggastir þóttu flokkslínu Alþjóðasambands komm-
únista, Komintern. Atvinnuástand á Isafirði hafði verið erfitt næstliðið
ár og atvinnuleysi mikið í bænum frá því síldveiðum lauk um haustið.
Kommúnistar ráku áróður fyrir því að bærinn legði meira fé í atvinnu-
bótavinnu en meirihluti jafnaðarmanna taldi sér fært. Varð þeim
nokkuð ágengt eins og fram kom í úrslitum kosninganna. Alþýðu-
flokkurinn fékk 561 atkvæði, Sjálfstæðisflokkurinn 498 og Kommún-
istar 117. Kommúnistar komu því að einum manni, Sjálfstæðisflokkur
fjórum og Alþýðuflokkurinn fjórum. Kommúnistar komust því í odda-
aðstöðu í bæjarstjórninni, en tæpt varð það, því að ef fimm þeirra sem
kusu kommúnista hefðu kosið kratana hefði meirihlutinn haldið.60
Hannibal var orðinn bæjarfulltrúi Alþýðuflokksins á Isafirði og sat í
bæjarstjóm næstu sextán árin. Fyrsta ár hans í bæjarstjóm var um
margt mjög sérstakt. Oddviti alþýðuflokksmanna, Finnur Jónsson,
sendi Kommúnistaflokknum bréf þar sem óskað var eftir samvinnu um
kosningu bæjarstjóra. Kommúnistar settu fram margvísleg skilyrði
fyrir samstarfi sem jafnaðarmenn höfnuðu og enginn meirihluti var
myndaður.61 Þegar kosið var um bæjarstjóra og forseta bæjarstjórnar
tók fulltrúi kommúnista þann kost að sitja hjá svo varpa varð hlutkesti
milli fulltrúa Alþýðuflokks og Sjálfstæðisflokks. Sjálfstæðisflokkurinn
fékk þannig bæði forsetastólinn og bæjarstjórann. Þegar kom svo að
tillöguflutningi féllu allar tillögur sjálfstæðismanna á jöfnu eða lentu í
minnihluta. Skapaðist mikið öngþveiti við stjóm bæjarins. Skutull
hafði að vísu spáð þessu:
Tækist svo illa til, að listi þessi næði einum af þeim níu bæjarfulltrúum, sem
á að kjósa ... yrði alveg ómögulegt að stjórna bæjarfélaginu, heldur yrði það
sett undir opinbert eftirlit eins og íhaldið oft hefir verið að spá. Ihaldið fengi
þar vilja sinn. Þeir, sem kjósa lista þennan ganga því erinda þess.62
Þannig hömruðu jafnaðarmenn á því að kommúnistar gengju fyrst og
fremst erinda andstæðinganna, auðvaldsins og Sjálfstæðisflokksins,
sem aldrei var kallaður annað en íhaldið í Skutli.