Andvari - 01.01.2003, Blaðsíða 50
48
SIGURÐUR PÉTURSSON
ANDVARI
um höndum um þá arfleifð sem jafnaðarmenn höfðu skapað síðan 1921.
Hannibal sinnti nú bæjarmálum af fullum krafti. Hann sat í sjö nefndum
á vegum bæjarins: fjárhagsnefnd, fátækranefnd, bygginganefnd, raf-
veitunefnd, veganefnd, atvinnubótanefnd og verðlagsskrámefnd.
í hönd fóru framkvæmdaár, þó enn ríkti heimskreppa. Framkvæmdir
við bátahöfnina stóðu yfir fram á haustið 1935. Þá var höfnin tilbúin og
tekin í notkun. Árið eftir var hafist handa við virkjun Fossavatns í Engi-
dal. Rafveitan tók til starfa í febrúar 1937. Bæjarstjómin hafði einnig
margvísleg afskipti af atvinnumálum. Bærinn setti á fót fyrstu rækju-
verksmiðju á landinu árið 1936. Unnu allt að 70 manns við rækju-
vinnsluna fram undir 1940. Hávarður Isfirðingur, eini togarinn sem
gerður var út frá kaupstaðnum, komst í þrot árið 1936 og tók bærinn þá
skipið á leigu og gerði út til sfldveiða í atvinnubótaskyni. I framhaldi af
því var stofnað til nýrrar útgerðar á vegum bæjarins og hafnarsjóðs.
Stóð sú útgerð aðeins í eitt ár, með miklu tapi. Hættu þá jafnaðarmenn
við bæjarútgerð og stofnuðu hlutafélag með aðild bæjarins og einstak-
linga sem gerðu togarann út með góðum árangri næstu ár. Auk þessa
stofnaði Kaupfélag ísfirðinga, sem kratamir stjómuðu, útgerðarfélagið
Njörð hf. með bæjarsjóði og nokkrum tugum einstaklinga. Lét félagið
smíða fimm litla vélbáta á ísafirði sem nefndir vom dísanöfnum.66
Þannig tókst meirihluta jafnaðarmanna með margháttuðum aðgerðum
að bægja atvinnuleysi kreppuáranna að stórum hluta frá kaupstaðnum.
Þegar kom að bæjarstjómarkosningum árið 1938 blésu vindar með
nýjum hætti. Kommúnistar höfðu gerbreytt starfsaðferðum sínum eftir
1934 og buðu nú Alþýðuflokknum upp á samstarf og samfylkingu hvar
sem færi gafst. Innan Alþýðuflokksins leist mönnum misjafnlega á
þessa nýju línu kommúnista, en margir tóku henni fegins hendi, enda
orðnir þreyttir á að berjast á báðar hendur, við íhaldið á annað borðið
og kommana á hitt. Alþýðuflokksmenn á Isafirði stilltu upp sameigin-
legum lista með Kommúnistaflokknum. Sama aðferð varð ofaná í
Reykjavík, Hafnarfirði, Siglufirði, Neskaupstað og Vestmannaeyjum,
eða öllum kaupstöðum landsins fyrir utan Akureyri og Seyðisfjörð. I
fjórum bæjum fengu „samfylkingarlistar“ meirihluta; í Hafnarfirði, á
Isafirði, Neskaupstað og Siglufirði. Áður hafði Alþýðuflokkurinn haft
meirihluta í þremur þeim fyrsttöldu. Urslitin í Reykjavík og Vestmanna-
eyjum ollu vonbrigðum og urðu þeim alþýðuflokksmönnum sem voru
mótfallnir frekara samstarfi við kommúnista lóð á vogarskálar.
Um nokkurt skeið höfðu farið fram viðræður milli flokkanna um