Uppeldi og menntun - 01.01.1997, Síða 19

RANNVEIG A. JÓHANNSDÓTTIR
- ... Þau eru búin að búa til leikmynd í takt við leikritið sem pau ætla að leika. í
þessari athöfn útbúa þau líka veitingar og bjóða formlega. Þau senda boðskort heim
til mömmu og pabba og þau eru viðstödd hérna. Þetta er líka samvinna hér í hverf-
inu. (Leikskólakennari 1)
„Skólastund" kallaðist starfsemi fyrir elstu börnin í leikskóla 2 en var ekki stunduð
í leikskóla 1. Hún var einu sinni í viku og ætlað að vera undirbúningur barnanna
fyrir grunnskólann. Líkt var eftir skólastarfi í grunnskóla. Börnin sátu í hópi með
fullorðnum og leystu ýmis verkefni sem ætluð eru sex ára nemendum í grunnskóla.
Viðhorf til skólastundar og markmiða hennar voru ólík í leikskólunum. í leikskóla 2
kom eftirfarandi fram:
Við höfum verið með það sem við köllum skólastarf ... Það eru gögn sem eru ísex
ára bekkjum ... svona rétt að lofa þeim að líta á hvað þetta er. Þetta finnst þeim
mjög spennandi. (Leikskólakennari 2)
I leikskóla 1 kom þetta hins vegar fram:
... sennilega eru hópastundir, sem við köllum hér, kallaðar skólastundir í öðrum
leikskólum. Það er kannski verið að vinna með sömu hluti og við ... petta að þau
kunni að skrifa nafnið sitt, kunni að segja heimilisfang, hvað þau heita ... kunni að
meðhöndla yddara og skæri ... En kannski til viðbótar hjá mörgum, eru ákveðin
verkefnablöð í vinnslu ...
Sp: Hvaða skoðun hefur þú á því?
Sv: Við erum búnar að fara ígegnum umræður hér ... Afstaðan er íþá veruna að
skólinn sjái um þessa þætti. Við sjáum um að efla sjálfstraustið og sjálfstæði svo að
þau séu tilbúin að þekkja þessa þætti... (Leikskólakennari 1)
Þróun læsis - lestur og ritun
Lestur og ritun eru þættir sem beint og óbeint höfðu áhrif í báðum leikskólunum.
Þeir voru ekki markvisst þjálfaðir en ritmál var engu að síður áberandi í umhverfinu
eins og þegar hlutir voru merktir og nafn hvers barns skrifað á miða. í báðum skól-
unum voru börnin hvött til þess að læra að skrifa nafnið sitt. Á hvorugum staðnum
var börnunum kennt af ásetningi að lesa og skrifa, líkt og í grunnskóla. Starfsfólkið
hvatti þau ef þau sýndu áhuga á að læra að skrifa stafi eða lesa sjálf í bók.
Við leggjum svolitla áherslu á það við elstu börnin að þau læri að skrifa nafnið sitt
... (Leikskólakennari 1)
I báðum leikskólunum var mikil áhersla lögð á að börnin hefðu aðgang að bókum
og næðu sjálf í þær. Sögur voru lesnar fyrir þau bæði í stórum og litlum hópum og
fyrir hvert og eitt þeirra. Lesið var fyrir þau á hverjum degi jafnvel nokkrum sinn-
um á dag.
Við eigum mjög mikið af bókum. Ég held að við eigum flestar bækur sem að hæfa
þessum aldri afbörnum. Ég hef alltaf lagt mikla áherslu á það að það væri til nóg af
bókum. (Leikskólastjóri 2)
- Þau eru mörg með mismunandi bækur og ég sé það á bókunum að þær eru lesnar.
Ég er mjög ánægð hvað þau eru mikið fyrir sögur. (Leikskólakennari 2)
Börnin sýndu bókunum áhuga og notuðu þær á ýmsan hátt eins og kemur fram í
viðtali við leikskólakennara:
17