Uppeldi og menntun - 01.01.1997, Blaðsíða 45

DÓRA S. BJARNASON
að „vel", og þeir sem svöruðu „mjög illa" eða „fremur illa" töldust hafa svarað
„illa", en sá hópur sem svaraði „hvorki vel né illa" var látinn halda sér. Hlutfall
þeirra sem féllu í hvern flokk var síðan borið saman eftir könnun og menntun. í
spurningu fimm var borið saman milli kannana hlutfall þeirra sem merktu við
hvern svarmöguleika. í spurningu sex var að lokum borið saman milli kannana
hlutfall þeirra sem svöruðu játandi og neitandi, með tilliti til ýmissa breytna.15
Leikskólakennarar og ófaglærðir, í flestum tilvikum konur í Starfsmannafélag-
inu' Sókn í Reykjavík, hafa lengst af verið uppistaðan í mannafla Dagvistar barna,
og því var áhersla lögð á að bera saman svör þessara tveggja hópa. Leikskóla-
kennarar með sérstuðning við fötluð börn féllu að öðru jöfnu undir flokk leikskóla-
kennara í úrvinnslu gagnanna, en unnið var úr svörum þroskaþjálfa sérstaklega. í
báðum könnunum flokkaðist menntun margra undir annað. Þar var um að ræða
fólk sem starfaði hjá Dagvist barna og hafði ýmis konar sérmenntun sem ýmist
tengdist störfum með börnum eða ekki. Sumt af þessu fólki vann á dagvistar-
stofnun í fullu starfi en margir unnu aðeins brot úr starfi og þá við sitt sérsvið.
Svörum þessa fólks var yfirleitt sleppt í úrvinnslu ofangreindra spurninga.
NIÐURSTÖÐUR
Viðhorf til sameiginlegs uppeldis á leikskólum
Spurningu eitt var ætlað að meta viðhorf starfsfólks til sameiginlegs uppeldis fatl-
Mynd 1
Meðaltalsmat allra hópa á því hvort sameiginlegt uppeldi fatlaðra
og ófatlaðra barna skipti máli fyrir fatlað barn, ófatlað barn,
leikskóla og samfélag, borið saman milli kannana
2,9
Fatlað barn ófatlað barn Leikskólinn Samfélagið
15 Marktækni við samanburð á svörum úr fyrri og seinni könnun er víðast mikil. Það helgast að hluta til af því
hversu fjölmennir hóparnir eru sem verið er að bera saman. Ekki er gerð grein fyrir niðurstöðum þegar mark-
tækur munur finnst ekki.

43