Uppeldi og menntun - 01.01.1997, Qupperneq 55

DÓRA S. BJARNASON
fjölgað meðal starfsfólks Dagvistar. Ófaglært starfsfólk hefur fengið talsverða
fræðslu um uppeldi og um börn með sérþarfir á námskeiðum Sóknar og Náms-
flokka Reykjavíkur eða í framhaldsskólum (ungir ófaglærðir starfsmenn). Þá hefur
Sálfræði- og sérkennsludeildin eflst á umræddu tíu ára tímabili. Því má ætla að
hlutfallslega fleiri starfsmenn í síðari könnun en hinni fyrri hafi svarað spurningu
um þetta efni á þann veg að þeir telja bæði sig og leikskólann þar sem þeir starfa
betur undir það búna að vinna með fötluðum börnum.
Mat á eigin undirbúningi
Með spurningu fjögur var kannað hversu vel starfsfólk taldi sig búið undir að
vinna með fötluðum börnum. Sú tilgáta að mannaflinn hafi betri forsendur en áður
til þess að takast á við sameiginlegt uppeldi er staðfest jafnvel þótt starfsfólk, sem
hér flokkast undir „annað", sé ekki talið með í samanburðinum hér á undan. Mestu
munar um tvennt. Annars vegar hefur hlutfall leikskólakennara, sem telja sig vel
undir þetta búna, aukist verulega svo sem sjá má á Mynd 8. Hins vegar hefur ófag-
lærða starfsfólkinu vaxið ásmegin svo um munar (frá 4,3% í fyrri könnun til 19,8%
af öllum ófaglærðum í hinni síðari). Sjá einnig Mynd 9.
Mynd 8
Hlutfall leikskólakennara og ófaglærðra sem sögðust vera vel,
illa eða hvorki vel né illa undirbúnir undir starf með fötluðum börnum
í fyrri könnuninni
Hvar best er að mæta þörfum fatlaðra í þjónustukerfinu
í ljósi þess að fagleg kunnátta starfsfólks Dagvistar barna hefur vaxið á þessu tíu
ára tímabili og sjálfstraust þess til að vinna með fötluðum börnum hefur líka aukist
að sama skapi þá er forvitnilegt að sjá hvar starfsfólk Dagvistar telur að þörfum
fatlaðra leikskólabarna sé að öðru jöfnu best mætt í þjónustukerfinu og hvernig sú
sýn hefur breyst. Þetta var kannað með fimmtu spurningu.
53