Uppeldi og menntun - 01.01.1997, Qupperneq 134

HLJÓÐFÆRANÁM FYRIR ALLA
Markmiðið með verkefninu er að koma á markvissu tónlistaruppeldi fyrir ald-
urshópinn 3-9 ára með því að:
a) Koma á samvinnu og samræma tónlistarkennslu í leikskóla, tónlistar-
skóla og grunnskóla með gerð sameiginlegrar námskrár í tónlistar-
fræðslu fyrir þetta aldursskeið.
b) Þróa og afla þekkingar í viðkomandi stofnunum um kennsluaðferðir
fyrir þetta aldursskeið sem gera það mögulegt að bjóða heilum bekkjar-
deildum upp á hljóðfæranám sem félli inn í samfellda stundaskrá.
c) Nota og þróa samþætt kennsluefni í tónlistarforskóla, tónmenntakennslu
og hljóðfæranámi.
RÖKSTUÐNINGUR FYRIR EINSTÖKUM MARKMIÐUM
a) Almennt er talið að við níu ára aldur hafi börn náð þeim þroska að þau séu
tilbúin að hefja nám á flest hljóðfæri miðað við þær kennsluaðferðir sem algeng-
astar eru í tónlistarskólum.
Tónlistarnámið fram að þeim aldri mætti því flokka sem tónlistarfornám þar
sem aðaláherslan er lögð á almennt tónlistaruppeldi (söng, hreyfingu, hlustun
o.s.frv.). Undirbúningur nemenda á þessum aldri hefur því afgerandi þýðingu fyrir
þroska þeirra þegar kemur að því að hefja hljóðfæranám. Þekking okkar segir
einnig að því fyrr sem byrjað er með markvisst uppeldi því meiri árangur. í Upp-
eldisáætlun fyrir leikskóla (1993:61) segir:
Rannsóknir benda til að leikskólaárin séu mikilvægt næmisskeið í tónlistarþroska
barna. Jafnvel er talið að dragi úr tónnæmni þeirra um sex ára aldur. Sérfræðingar
telja þvíað tónlistarörvun eða tónlistaruppeldi eigi að hefjast fyrir þann tíma.
A þessu mikilvæga þroskaskeiði, áður en nemendur geta hafið hljóðfæranám, eru
þeir mestan tímann á leikskólaaldri. Það hlýtur því að vera lykilatriði að geta strax í
leikskóla hafið markvisst tónlistaruppeldi sem er í samhengi við það nám sem þeim
stendur til boða seinna. A sama hátt er mikilvægt að námið sem boðið er upp á í
tónmenntakennslu grunnskóla og tónlistarforskóla tónlistarskólanna geti tekið mið
af því námi og tónlistaruppeldi sem fram fer í leikskólanum. Því hlýtur samvinna
leikskóla, grunnskóla og tónlistarskóla að vera nauðsynleg til að geta boðið
markvisst tónlistaruppeldi fyrir aldurshópinn 3-9 ára. Sameiginleg námskrá
byggist á Aðalnámskrá grunnskóla (1989), Uppeldisáætlun fyrir leikskóla (1993) og
tillögu að Aðalnámskrá tónlistarskóla. Með slíkri námskrá er einnig verið að koma á
samvinnu þriggja sjálfstæðra uppeldisstofnana sem innan tíðar verða reknar af
sama rekstraraðila sem gerir þá væntanlega meiri kröfur til samræmingar og sam-
vinnu.
b) Við teljum að nýta megi mun betur þekkingu og getu tónlistarskólanna ef
nemendur koma vel undirbúnir þegar þeir hefja tónlistarnám. Sú staðreynd að
stærstur hluti nemenda í tónlistarskólum landsins eru byrjendur á fyrstu stigum í
hljóðfæranámi undirstrikar enn frekar nauðsyn þess að byrjendakennslan sé sem
markvissust. Það ætti öllum að vera ljóst að það er slæm nýting á fjármunum og
þekkingu þegar tónlistarkennari er að kenna í einkatímum átta eða níu ára nem-
132