Uppeldi og menntun - 01.01.1997, Síða 137

ÁRNI SIGURBJ ARNARSON
tómstundastarfsemi ýmiss konar og starfsemi íþróttafélaga sem fram fer að loknum
skóladegi.
Það mikilvæga starf sem nú fer fram í leikskólanum er mun markvissari undir-
búningur undir hljóðfæranám sem nær til allra í yngstu bekkjum grunnskólans en
tónlistarforskóli Tónlistarskólans var. Þar hefur einnig mikla þýðingu sú tenging
sem átt hefur sér stað milli starfs leikskólakennara og tónmenntakennara grunn-
skólans.
í meginatriðum er því ljóst að þau markmið sem stefnt var að í upphafi eru nú
innan seilingar. Það hefur tekist að koma á markvissu samstarfi þeirra stofnana á
Húsavík sem fara með tónlistaruppeldi og tónlistarmenntun á staðnum. I samstarfi
þessara aðila hefur mikið verið unnið og sú vinna heldur áfram við gerð námsefnis
sem sniðið er að þörfum þessara stofnana. Náðst hefur góður árangur við þróun
hópkennsluaðferðar fyrir byrjendur í hljóðfæraleik. Einnig má telja að í hópkennsl-
unni sé á margan hátt hægt að nálgast betur þær nýju áherslur um fjölbreyttari og
markvissari kennsluhætti í byrjendakennslu í hljóðfæraleik sem fram koma í drög-
um að Aðalndtnskrd tónlistarskóla frá 1993 en gert er í einkakennslu.
Mikil vinna fer enn fram við gerð kennsluefnis, en það kennsluefni sem þegar
hefur verið tekið í notkun hefur tvímælalaust skipt miklu máli fyrir þann árangur
sem náðst hefur í hópkennslunni og er liður í að tengja vinnu framangreindra stofn-
ana. Einnig er Ijóst að mikið starf er framundan við námsmat og samræmingu í
kjölfar þess að kennsluaðferðir og kennsluefni nær að þróast betur.
Árni Sigurbjarnarson er skólastjóri
Tónlistarskóla Húsavíkur.
135