Uppeldi og menntun - 01.01.1997, Qupperneq 139

ERLA GUÐJÓNSDÓTTIR
SAMSKIPTAHÆFNI NEMENDA -
KERFISBUNDIN ÞJÁLFUN
Þáttur í skólastarfinu sem stuðlar
að bættum aga og jákvæðu andrúmslofti*
Frá byrjun skólaársins 1993 hafa kennarar í Álftanesskóla í Bessastaðahreppi þjálfað
nemendur á markvissan hátt í að leysa ágreiningsmál með friðsömum hætti. Skól-
inn fékk styrk úr Þróunarsjóði grunnskóla árið 1994 til 1995 og var það mikil lyfti-
stöng fyrir verkið. Dr. Sigrún Aðalbjarnardóttir var fengin til ráðgjafar jafnframt því
sem hún mældi árangur starfsins. Skýrsla um verkefnið var gefin út haustið 1996 og
er hægt að fá hana í skólanum.
Liðleg samskipti skipta miklu máli í lífi hvers einstaklings og bekkjarstarf í
skólum gefur mörg tækifæri til að leiðbeina börnunum í glímu þeirra við ágrein-
ingsefni. Kennarinn getur á faglegan og skipulegan hátt eflt og örvað samskipta-
hæfni barnanna og stutt þannig foreldra í að kenna börnunum tillitssemi og virð-
ingu í daglegum samskiptum sínum.
Verkefnið byggist á námsefninu Samvera eftir Sigrúnu Aðalbjarnardóttur og
Árnýju Elíasdóttur og fjallar um vináttuna, samskiptin í skólastofunni og samskipt-
in í frímínútum. Námsefninu fylgir hefti, sem unnið er að mestu heima, þar sem
börn og foreldrar ræða saman um ýmis mál sem ágreiningur getur verið um, t.d.
útivistartíma og hvort kaupa eigi tiltekna hluti.
MARKMIÐ
Helstu markmið með viðfangsefninu eru að:
- efla félags- og siðgæðisþroska nemenda með áherslu á samskiptahæfni
þeirra.
- þjálfa þá í að leysa ágreiningsmál með friðsömum hætti og gera þá
hæfari til að setja sig í spor annarra.
- stuðla að sjálfsskoðun og sjálfsmati kennara í starfi sínu með nemendum
og í samskiptum við vinnufélaga.
- festa í sessi umbótaferil þannig að hann verði sjálfkrafa hluti af skóla-
starfinu.
* Grein þessi byggist á erindi sem flutt var á málþingi Rannsóknarstofnunar Kennaraháskóla íslands 23. ágúst 1997 um
þróun og nýbreytni í skólum.
Uppeldi og menntun - Tímarit Kennaraháskóla íslands 6. árg. 1997
137