Uppeldi og menntun - 01.01.1997, Side 145

GISLI ÞORSTEINSSON
NOKKUR MARKMIÐ
Helstu markmið með verkefninu eru að:
- örva og þroska sköpunargáfu barna og unglinga, kenna þeim ákveðin
vinnubrögð eða ferli frá hugmynd til afurðar.
- styrkja frumkvæði nemenda, sem felst í því að gera eitthvað með hug-
myndir sínar og drauma.
- ala upp kynslóð sem er hæfari til að takast á við mótun umhverfis síns
með því að finna lausnir á þörfum þess og vandamálum.
- gera nemendur meðvitaða um gildi hlutanna (siðvit), og kenna þeim
leiðir til að bæta umhverfi sitt.
- mynda brú milli grunnskólans og atvinnulífsins, með því að hlúa að
verðandi frumkvöðlum í atvinnulífinu og hjálpa þeim að koma hug-
myndum sínum í framkvæmd.
HUGMYNDIN AÐ BAKI
Greinarhöfundur hefur reynt að skilgreina áhrif sem nýsköpunarstarfið hefur haft á
þá sem fylgst hafa með því, bæði sem þátttakendur og áhorfendur. Niðurstöðuna
hefur hann freistast til að kalla hugmyndafræði nýsköpunarinnar og hún er skil-
greind á eftirfarandi hátt:
Hugmyndafræðin er fólgin í því að maðurinn er skapari eigin mannlega heims eða
með öðrum orðum maðurinn mótar umhverfi sitt.
Sú heimsmynd sem barnið á að öðlast í
gegnum nýsköpunarstarfið er trúin á
manninn í hörðum heimi eða að mað-
urinn geti leyst vandamál líðandi
stundar og breytt þannig aðstæðum
sínum með aðferðum nýsköpunar.
Hann birtir hugmyndir sínar í efnisleg-
um heimi sem lausnir á vandamálum
eða þörfum sem hann hefur greint í
umhverfi sínu og umskapar þannig
heim sinn inn í þann veruleika sem
hann kýs. Þannig verður skólinn sem
spegill eða þátttakandi í lífinu utan
veggja sinna og barnið fer að móta
skólastarfið í samræmi við reynsluheim
sinn og áhugasvið.
Hugmyndavinnan byggist á frum-
kvæði barnsins, sköpunargáfu þess og
sköpunarmætti og barnið uppgötvar
sig sem mótandi afl í umhverfi sínu.
143