Uppeldi og menntun - 01.01.1997, Side 150

NÝSKÖPUNARSTARF í GRUNNSKÓLA
Samtök iðnaðarins hafa styrkt þróun einstakra hugmynda frá börnum til fram-
leiðslu, t.d. nýja gerð af ruslafötu og herðatré fyrir börn (sjá Mynd 7).
Einnig hafa nokkur fyrirtæki tekið hugmyndir barna upp á arma sína og hrint
þeim í framkvæmd. Til dæmis hefur sérstakur kökuhnífur verið framleiddur.
LOKAORÐ
í nýsköpunarstarfi felast margir möguleikar, bæði sem tækifæri einstaklingsins til
að þroska hæfileika sína og til að láta eitthvað gott af sér leiða fyrir umhverfi sitt.
Þótt sumum finnist viðfangsefnin smá og stundum úr takti við hversdagsleikann,
þá leiðir hið smáa til hins stóra og það að brjóta upp hefðina opnar nýjar leiðir til
framfara.
Þá hugmyndafræði sem býr að baki nýsköpunarstarfi má einnig nota í öllum
greinum. Grundvöllur hennar er skapandi starf sem leiðir einstaklinginn til aukins
þroska á öllum sviðum. Áherslan er á sjálfsákvörðunarrétt, frumkvæði og vinnu
með hugmyndir.
Hlutverk kennarans þarf því að skilgreina upp á nýtt. I starfi af þessu tagi
leggur hann t.d. ekki mat á hugmyndir nemenda sinna, að því leyti eru þeir
jafningjar hans. Hlutverk hans er að hjálpa þeim að finna tæknilegar lausnir og fá
hugmyndirnar til að verða að veruleika.
Allar hugmyndir eru gjaldgengar, þær henta einstaklingnum bara misjafnlega
vel og ekkert gerir til þótt hugmyndin sé ekki framkvæmanleg. Hún heldur engu
að síður áfram að vera hugmynd og bíður síns vitjunartíma. Kennarinn gerir allt til
að efla sköpunargáfu nemandans og halda henni sívirkri. Mat hans á nemendum
sínum er ekki út frá þekkingarlegum bakgrunni þeirra, heldur lítur hann á nem-
andann og viðfangsefni hans sem eitt og hið sama og það er vettvangur starfsins.
Sköpunargáfa okkar er eðlisþáttur sem verður að virkja og efla í skólastarfi í
framtíðinni. Greinarhöfundur sér fyrir sér að grunnskólinn verði vettvangur sköp-
unar og frumkvæðis á öllum sviðum lífsins.
Gísli Þorsteinsson er lektor
við Kennaraháskóla íslands.
148