Hlín - 01.01.1926, Síða 24
22
Hlln
Svohljóðandi tillaga var borin upp og samþykt með
öllum atkvæðum gegn einu: 2. landsfundur kvenna lítur
svo á, að æskilegt sje, að kvenfjelög út um landið, þar
sem þau eru til, taki að sjer fjársöfnun til Kvennaheinv
ilisins í Reykjavík.
Eftir það var fundarhlje eina klukkustund. Síðan var
tekið fyrir næsta mál á dagskrá: Sjermentun kvenna. Er-
indi fluttí Sigurborg Kristjánsdóttir. Kom hún fram með
ýtarlegar tillögur um það, hvernig sjermentun kvenna
væri best borgið hjer á landi, og óskaði að lokum, að
fundurinn tæki til umræðu: í fyrsta lagi skólakerfið, í
öðru lagi, hvernig málinu verði hrundið í framkvæmd.
Til máls tóku: Jónína Líndal, Anna Magnúsd., Ingibj.
Skaptad., Aðalbj. Sigurðard., Bríet Bjarnhjeðinsd., Hólmfr.
Pjetursd., Guðr. Jóhannesd. Umræður lutu að því, hve
nauðsyn fyrir bættri sjermentun kvenna væri brýn, og
hve miklar kröfur gerðar væru til kvenna nú á tímum.
Heimilisstörfin væri þeim oferfið sökum vankunnáttu, og
því væru þjóðfjelagsskyldurnar út á við vanræktan
Pess var getið, að Ólafía Jóhannsdóttir og Porbjörg
Sveinsdóttir, hefðu fyrstar kvenna hjer á landi vakið máls
á nauðsyn sjerskóla fyrir konur. Árið 1907 sendu þing-
eyskar konur áskorun til Alþingis um, að stofnaður yrði
búnaðarskóli fyrir konur. Árið 1917 lofaði Alþingi að
leggja fram tvo þriðju kostnaðar við byggingu húsmæðra-
skóla, sern standa átti í nánd við Akureyri. Sigurborg
Kristjánsdóttir skýrði frá, hvernig hún hefði barist fyrir
stofnun húsmæðraskóla á Staðarfelli. Bríet Bjarnhjeðins-
dóttir vildi láta gera kvennaskólana, sem nú eru til, að
sjerskólum fyrir konur og húsmæður.
Kl. 7*/4 var umræðum slitið og frestað til næsta dags.
Aöalbjörg Sigurðardóttir.
Fundarstjóri.
Föstudaginn 11. júní var fundur aftur settur kl. 1 e. h.