Hlín - 01.01.1926, Side 154

152
Hlln
um nóttina skall á norðan veður. »Leyst var upp« og
jagtin látin drífa fyrir litlum segllappa aftur á. Hana rak
þannig í fimm sólarhringa, og var komin suður fyrir
land er veðrinu slotaði. Bugspjótið brotnaði og fleiri
skemdir urðu. Mjer leið illa þennan tíma. Var ekki vanur
við úthafssjóinn. — í mínu ungdæmi sögðu spaugsamir
drengir, að nón væri á Jökli í kringum allan Breiðafjörð!
í Rifi undir Jökli drápu Englendingar Björn hirðstjóra.
En Ólöf kona hans kvað ekki hlýða að »gráta Björn
bónda, heldur safna liði og hefna«. — Hjeðan sjest
Snæfellsnesfjallgarðurinn inn að Bjarnarhafnarfjalli. Úr því
skyggja Skarðstrandarfjöllin á útsýnið suður yfir. — At-
orkumaðurinn Thor Jensen hefir keypt jörðina Bjarnar-
höfn og rekur þar búskap í stórum stíl.
Yst á Skarðstrandarfjallgarðinum heitir Klofningur.
Hann sjest ekki hjeðan. Hyrnurnar inn eftir sjást: Ballar-
árhyrna og Skarðshyrna. Skarð stendur undir hyrnunni
að utanverðu. Og strandlengjan þar inn með firðinum er
kölluð Skarðströnd, alt inn til Fagradals. Tekur þá við
Saurbærinn. Inn af honum er Ólafsdalur, inn undir botni
Gilsfjarðar. Par reisti Torfi okkar Bjarnason fyrirmyndarbú,
og varði þar fje og fjörvi til þess að kenna okkur sið-
aðra manna búnaðarháttu.
»Fegursta smábygð á Vesturlandi finst mjer vera Reyk-
hóla-innsveitin, milli Skógaháls og Króksfjarðarness, svo
og framlenging hennar: Barmahlíðin út rneð Reykjanes-
fjallinu að austanverðu«, segir Matthías Jochumsson. —
Mörgum ferðamönnum hafa farist svipað orð. Landmæl-
ingamenn Dana töldu þetta litla hjerað rneð fríðustu bygð-
um íslands. —Útsýnin yfir hjeraðið verður fegurst frá Króks-
fjarðarnesi. Sólarlag er hjer oft dýrlega fagurt.
O. E.