Hlín - 01.01.1926, Qupperneq 138
136
Hlin
var engin um að afla sjer matvsela að, átti hungursneyð
sjer stað, nú sjer hollenska stjórnin um aðdrætti.
Lojtslag. Þótt Súmatra liggi rjett undir miðjarðarbaug,
er hitinn hjer á láglendinu að jafnaði ekki eins átakan-
Iegur óg óþolandi og menn alment halda heima. Loft-
straumar eru nógir, sjó- og landvindar til skiftis. Meðalhiti
á láglendinu er -f 80° Fahrenheit (27° C., 21° R.) (á morgn-
ana og kvöldin svalara, en um miðjan daginn heitara) en
uppi á hálöndum er mikið kaldara. Loftslag er hjer holt
og lítið um þung veikindi eða drepsóttir, en þegar til
lengdar lætur hefir hitinn þó veiklandi áhrif á menn, einkum
líður taugakerfið mikið við þennan sífelda hita. Að jafnaði
þola menn hann samt vel. í þau 2 ár, sem við höfum
búið hjer á Ben Koelén, hafa aðeins 2 Hollendingar dá-
ið, kona og barn og fleiri ekki. En því má ekki gleyma
að hjer er eingöngu ungt fólk og það hraustasta, því
þegar fara á til Indlandseyja eru menn rækilega skoðaðir
af lækni, og þeim ráðið frá að fara sem eru veiklaðir.
Gamalt fólk er löngu sest að heima.
Vegna hitans er líka álitið óhjákvæmilegt að veita mönn-
um heimfararleyfi við og við. — Það fá allir Evrópu-
menn sem hjer búa að fara heim á 6 ára fresti, 8 mán-
uði í senn, og eru þeir kostaðir af stjórninni, sem henni
þjóna, og af jarðræktarfjelögum sem þar vinna. Á þeim
8 mánuðum er manni ætlað að safna kulda (I!) og kröft-
um til næstu sex ára. Uppi á hálendinu eru víða hæli og
hótel fyrir veiklaða menn. — Á Java eru þessi heilsu-
hælis-hótel svo hátt uppi, að þar frýs á nóttum, en aldrei
á sá ís sjer lengri aldur en nokkrar klukkustundir.
Nóg er af háum, fögrum fjöllum, en aldrei sjest snjór,
hvað þá jöklar. Jörðin er sígræn allan ársins hring og
allur gróður er risavaxinn. Sum ávaxtatrje eru t. d. svo
bráðþroska, að það eru aðeins 8 mánuðir frá því að til
þeirra er sáð og þar til þau bera ávexti. Á Nýju Guineu
eru svo há fjöll að þau ná yfir snjólínu, þau eru sjáan-