Hlín - 01.01.1935, Blaðsíða 63

Hlín
61
ur. Nú eru sveitaheimilin í báðum sýslunum 490.
Mundu því sparast þarna 245 þús. kr. Þetta mundi
nægja til að rjetta við sveitirnar. — Ef sveitirnar
gætu framleitt meira handa þorpunum af mjóikuraf-
urðum, garðamat og fatnaði (sokkum, vetlingum o.
f 1.), mætti og minka þar notkun erlendrar vöru. —
Til þess að draga svo mjög úr notkun erlendu vörunn-
ar í sveitunum, þarf framleiðslan að breytast úr því
sem nú er. Hjer er við allan útreikning gengið út frá
6 manna heimili. — Á búnaðarsambandssvæðinu eru
tæplega 2 mjólkandi kýr á hvert heimili, auk þess of-
urlítil geita- og sauðamjólk. Það mun ekki fjarri lagi,
að meðalheimili þurfi 3 kýr til þess að hafa nægan
mjólkurmat, og er þá gengið út frá því, að flóuð mjólk
sje höfð til drykkjar með smurðu brauði í stað kaffis
og sykurs, og að eitthvað megi lítilsháttar selja af
smjöri, suma tíma ársins, ef gripirnir eru góðir. Er
því sýnt að mikið þarf að fjölga kúnum. Ef til vilJ
mætti taka upp fráfærur að einhverju leyti í þess stað.
Ræktun garðmatar er nú árlega á mann á sambands-
svæðinu um 20 kg. kartöflur og 10 kg. rófur. Sú tala
þarf að hækka upp í 100 kg. og 50 kg. auk annars
garðmatar, sem lítið er nú neytt af, þannig, að rækt-
aður verði garðmatur og notaður er nemi 160 kg. á
mann árlega. Til þess þarf um 400 íermetra garð í
góðri rækt á hverju býli. — Mjólkin og garðmaturinn
á að koma í stað erlendu vörunnar, sem spara þarf,
og smjör í stað smjörlíkis, sem nú er mikið keypt af
í sveitum. — Af kjöti þurfa heimilin að liafa meira.
Er ekki fjarri lagi að áætla í heimilið yfir árið 60—
70 kg. á mann, og má þó koma miklu meiru í lóg. En
þetta nægir til að hafa kjötsúpu og rófur á miðdags-
borðið tvisvar í viku, og er þá hægt að hafa eitthvað
af þessu til hátíðamatar og handa gestum. Sjálfsagt
er að hafa elstu ær árlega geldar til frálags á heim-