Jón á Bægisá - 01.12.2010, Side 42

Ingibjörg Elsa Björnsdóttir
Þóroddur Guðmundsson frá Sandi
Þóroddur Guðmundsson var fæddur þann 18. ágúst 1904 á Sandi í Aðaldal
í Suður-Þingeyjarsýslu.1 Hann var sonur Guðmundar Friðjónssonar, skálds,
og konu hans, Guðrúnar Lilju Oddsdóttur.2
Þóroddur lauk prófi frá héraðsskólanum á Laugum vorið 1926. Bú-
fræðingur frá Kalnesi í Noregi varð hann 1929. I Kennaraháskólanum í
Kaupmannahöfn stundaði hann síðan nám í landafræði, dýrafræði, grasa-
fræði og jarðfræði, og lauk íslensku kennaraprófi árið 1935. Síðar, 1948—
1949, stundaði Þóroddur nám við Trinity College í Dublin í enskum bók-
menntum. Þóroddur Guðmundsson hafði því mjög fjölbreytta menntun
og ljóst er að áhugasvið hans lágu víða. Sigurður Einarsson í Holti segir að
Þóroddur hafi verið: „... þjálfaður í háskóla tungunnar hjá föður sínum,
sem einhver var orðsnjallastur í máli allra sinna samtíðarmanna ,..“3
Þóroddur Guðmundsson ritaði ljóð og smásögur, ferðasögur auk
margra ritgerða og greina. Hann stundaði einnig ritstjórn og útgáfu og tók
þátt í félagsstörfum á vegum Félags íslenskra rithöfunda. Fyrsta bók Þór-
odds kom út árið 1943, smásagnasafnið Skýjadans. Síðan komu ljóðabækur,
ferðasaga, þýðingar auk fleiri smásagna. Sigurður Einarsson segir ennfrem-
ur um þýðingar Þórodds: „Þær einkennast af næmri innlifun, hagleik og
öruggu valdi á tungunni ...“4 Þóroddur Guðmundsson starfaði ásamt rit-
störfum við kennslu mest af sinni ævi og kenndi hann til ársins 1972.
Útgáfa Söngua sakleysisins og Ljóða lífireynslunnar á íslensku sem Þóroddur
Guðmundsson stóð að sjálfur, er einstaklega vönduð. Bæði er bókin mynd-
skreytt með myndum eftir Blake og svo fylgir ítarlegur eftirmáli um Blake
og skýringar við ljóðin, allt er þetta skrifað af þýðandanum.
Þessi fallega umgjörð ljóðanna gefur þeim aukið gildi og ber vott um
áhuga og vandvirkni Þórodds Guðmundssonar við þessa útgáfu. Þessa
vandvirkni hefði William Blake sjálfur kunnað að meta, enda gaf hann út
verk sín sjálfur og tengdist bókaútgáfu í gegnum myndskurðarlist sína.
William Blake
William Blake fæddist árið 1757 inn í hefðbundna iðnaðarmannafjölskyldu
1 Hannes Pétursson og Helgi Saemundsson. íslenzkt skáldatal m-ö.
2 Sigurður Einarsson í Holti, bls. 122.
3 Sama heimild, bls. 124.
4 Sama heimild, bls. 128.
40
á JSr/ydiá. - Tímarit um i>ýðingar nr. 14 / 2010