Jón á Bægisá - 01.12.2010, Side 110

Marteinn Lúther-Anna Sigurbjörg SigurSardóttir
er aftur á móti auðvelt að færa sönnur á að í heiminum hefur ávallt verið
mikið leynilegt muldur og ásakanir á hendur klerkunum að þeir færu ekki
rétt með kristnina. Og páfaasnarnir hafa líka fram til þessa dags veitt slíku
muldri ágætt viðnám með eldi og sverði. Þetta muldur sýnir best hversu
vel séð slík hryllingsverk hafa verið og hversu rétt menn gerðu með þeim!
Já, kæru páfaasnar, skundið nú fram og uppástandið að þetta séu kenni-
setningar kristindómsins, ykkar uppdiktuðu lygarxlv11 sem þið varmenni
og drottinsvikarar hafið þvingað upp á ástkæran kristindóminn og eins og
erkimorðingjar aflífað ótalda kristna menn út af. Hver einasti bókstafur í
hverjum einustu lögum páfa ber þess vitni að þar hefur aldrei neitt verið
kennt samkvæmt vilja eða í samráði við kristindóminn heldur eingöngu
„districte precipiendo mandamus" (vér boðum og mælum stranglega fyr-
ir um); það hefur verið þeirra heilagi andi. Kristindómurinn hefur mátt
þola slíka harðstjórn sem hefur rænt hann sakramentinu og haldið honum
þannig saklausum í fangelsi. Og þessir asnar ætluðu sér að pranga þessari
óþolandi harðstjórn níðingsverka sinna upp á okkur að við gerðum þetta
sjálfviljug og sem dæmi um kristni og hvítþvo þar með sjálfa sig.
En þetta er að verða allt of langt. Þetta verður að nægja að sinni varð-
andi þessa spurningu. Meira seinna. Virtu mér þetta langa bréf til betri
vegar. Kristur herra vor sé með oss öllum. Amen.
Martinus Luther,
þinn góði vinur.
Ur útlegðinni1 8. september 1530
Anna Sigurbjörg Sigurðardóttir, Háskóla Islands, islenskaði
1 Þýð.: I textanum segir Lúther á latínu: Ex Eremo og vísar þar til þess að hann var af ör-
yggisástæðum staðsettur í Koburgarkastala mestallt árið 1530, s.s. í útlegð frá vinum og
ættingjum.
108
á .dS/'/yáá - Tímarit um þýðingar nr. 14 / 2010