Skírnir - 01.04.2013, Blaðsíða 132

130
RÓSA MAGNÚSDÓTTIR
SKÍRNIR
staklinga. Að auki býður þessi áhersla á hjónabandið upp á um-
fjöllun um stöðu kynjanna. Þó að hjónaband þeirra Kristins og
Þóru hafi ekki verið dæmigert frekar en þau sjálf, þá segir það okkur
heilmikið um það hvernig þessir róttæku einstaklingar lifðu sam-
kvæmt hugsjónum sínum. Barátta fyrir jafnrétti kynjanna var ekki
orðin tóm í lífi þeirra Kristins og Þóru.
Fjölmörg dæmi má finna í dagbókum Þóru þar sem hún ræðir
málefni kvenna og kvennabaráttu almennt. Hinn 2. nóvember 1943
segir hún t.d. frá því að hún hafi farið á fund í sósíalistafélaginu þar
sem Rannveig Kristjánsdóttir, fyrri kona Peters Hallberg og síðar
ritstýra Melkorku með Þóru, var meðal ræðumanna: „... talaði hún
um konur og sósíalisma. Hún kom heim með mér á eftir og var þar
Steinn Steinarr fyrir, sátum við öll og spjölluðum hvernig vekja
mætti íslensku konuna til að taka þátt í sósíalisma og neyta réttar síns
í þjóðfélaginu til jafns við manninn. Ég er mjög hrifin af Rannveigu,
hún er hugdjörf og full af áhuga fyrir þjóðfélagsmálum." Á þessum
tíma er einnig byrjað að ræða það að hafa sérstaka kvennasíðu í
Þjóðviljanum og samkvæmt dagbók Þóru bauð Halldór Laxness
þeim Kristni og Þóru í kvöldkaffi hinn 11. nóvember ásamt Sigurði
Guðmundssyni ritstjóra Þjóðviljans (en hann var einn þriggja sósíal-
ista sem handtekinn var í stríðsbyrjun) til að ræða stofnun
kvennasíðunnar. Til Halldórs var einnig boðið hópi af ónafn-
greindum ungum stúlkum sem ætluðu að fylkja sér kringum
kvennasíðuna. Það var mikill hugur í mönnum á þessum árum og
brátt kom að því að Þóra, í félagi við aðrar konur, þ.á m. Rannveigu
Kristjánsdóttur, gaf út fyrsta tölublaði Melkorku vorið 1944 en
Melkorka kom út til 1962 og reyndist kvennabaráttunni mikilvæg
rödd á Islandi.
Það var svo í tilefni af því að Melkorka kom fyrst út að Kristinn
orti eftirfarandi ljóð til Þóru og hún ritaði í dagbók sína:
Til Þóru
Hverju mundi Melkorka
mega í framtíð áorka?
Fyrir kattarnef körlum
koma úr jarðvist öllum.