Árbók Hins íslenzka fornleifafélags - 2019, Qupperneq 123

ÁRBÓK FORNLEIFAFÉLAGSINS122
notkunar og margir hinna steinanna úr Viðey en hefur þó smávægilega
máðan f löt í annan endann. Ílöngu steingripirnir frá Viðey hafa einnig
verið túlkaðir sem altarissteinar.99
Þórarinsstaðir
Fornleifauppgröftur fór fram sumurin 1998 og 1999 á leifum kirkju og
kirkjugarðs á Þórarinsstöðum í Seyðisfirði. Við uppgröftinn fundust um
sextíu grafir auk tveggja byggingarstiga timburkirkju en eldri kirkjan hafði
brunnið til grunna og ný og stærri kirkja verið reist í hennar stað.100 Sökum
aldursgreiningar á danskri silfurmynt sem fannst við uppgröftinn var aldur
kirknanna túlkaður á þann veg að eldri kirkjan hafi verið byggð á fyrri
hluta 11. aldar og sú yngri upp úr 1045.101
Í kór yngri kirkjunnar fannst altarissteinn árið 1999, gripur nr.
MA99/202/1999-25-202, úr grænum porfýr með ljósum dílum.102
Steinninn er 5,5 x 6,3 x 2,5 cm að stærð og vegur 210 gr. Ummerki
um slit sjást á steininum en hann er með brúnleitri áferð. Steinninn er
slípaður á fram- og bakhliðum, þar sem hann hefur langsum rendur sem
hafa líklega myndast við slípun, en er brotinn í hina endana og er því
ekki heill. Ummerki slípunar sjást þó á endum tveggja brotnu hliðanna en
99 Steinunn Kristjánsdóttir 2004, bls. 67.
100 Steinunn Kristjánsdóttir 2003, bls. 113‒115.
101 Sama heimild, bls. 119‒120.
102 Steinunn Kristjánsdóttir 2004, bls. 66‒68.
Mynd 6: Grænn porfýrgripur úr Viðey, 1987-413-6267. Ljósmynd höfundar.