Heilbrigðisskýrslur - 01.12.1947, Blaðsíða 120
1Í8
móður, sem er orðin gömul og farin, en hinu síðara af ljósmóður
Eystri Biskupstungna. Virðist auðsætt, að sameina beri þessi um-
dæmi, þ. e. a. s. Biskupstungnaumdæmin bæði og svo Laugar-
dals- og Grímsnesumdæmi, og þyrfti þá ekki að fjölga ljósmæðrum frá
því, sem nú er. Að vísu er viðkomandi ljósmæðrum um og ó, því að
þær eru einyrkjahúsfreyjur og eiga ekki sem bezt heimangengt.
3. Sjúkrahús og heilbrigðisstofnanir.
A. Sjúkrahús. Töflur XVII—XVIII.
Sjúkrahús og sjúkraskýli teljast á þessu ári samkvæmt töflu XVII
49 alls með 1208 sjúkrarúmum, og eru þetta óbreyttar tölur frá síðast
liðnu ári. Svarar þetta til 9,0 rúma á hverja 1000 íbúa. Almennu
sjúkrahúsin eru sem fyrr 43 að tölu með 737 rúmum samtals, eða
5,5%0. Rúmafjöldi heilsuhælanna er einnig óbreyttur, 257, eða 1,9%0.
Læknar láta þessa getið:
Hafnar/j. Aðsókn að sjúkrahúsinu hefur verið mikil.
Álafoss. í héraðinu eru risin upp tvö hæli. Annað er Reykjalundur,
fyrir berklaveikt fólk, sem nýkomið er af berklahælum. Þar vinnur
fólkið að alls konar iðnaði, og virðist allt vera með hinum mesta
myndarbrag. Hælið hefur sinn eiginn lækni, sem jafnframt er fram-
kvæmdastjóri. Um þetta hæli hef ég engar slcýrslur. Hitt hælið á
Reykjavíkurbær. Það er á Arnarholti á Kjalarnesi. Er þar alls konar
fólk, fávitar, geðbilað fólk o. fl. Um þetta hæli hef ég heldur engar
skýrslur. Trúnaðarlæknir bæjarins hefur þar lækniseftirlit, og lærð
hjúkrunarkona er þar að staðaídri. Þriðju stofnunina mætti og nefna,
en það er búfjársjúkdómastofnun ríkisins á Keldum í Mosfellssveit.
Þar eru að rísa upp miklar byggingar, meira að segja læknisbústaður.
Seint gengur með bústað héraðslæknisins. Teikning var tilbúin fyrir
rúmum 2 árum. Húsinu valinn staður á steyptum pöllum, sem her-
inn notaði á sínum tíma undir vöruskemmur. Skemmur þessar voru
eins og allt annað herbúðarusl seldar til niðurrifs. Siminn (eða póstur
og sími) keypti þær. Þegar farið var fram á það við póst- og síma-
málastjóra að flytja síðustu skemmuna burtu, neitaði hann og mun
hafa fengið yfirmann sinn, ráðherra, í lið með sér. Hreppsnefnd
sneri sér þá til sýslumanns og lcrafðist úrskurðar um brottflutning
skemmunnar. Síðan eru ca. 2 ár. Skemman stendur enn. Enginn úr-
skurður kominn, mér vitanlega. Læknisbústaðurinn virðist því ekki
eiga upp á pallborðið hjá þessum herrum, sem hér virðast ráða mestu
um eitt mesta nauðsynjamál héraðsins.
Akranes. Smiði sjúkrahússins hefur nærri ekkert miðað áfram
þetta ár. Hefur vantað miðstöðvarofna og tilheyrandi hluti, vatns-
pípur og lyftu, enn fremur efni í skápa o. fl. Ofnarnir og pípurnar eru
nú komin, þegar þetta er ritað.
Búðardals. Sjúkraskýlið ekki starfrækt á árinu af sömu ástæðum
og greinir í síðustu ársskýrslu. Sett var á árinu olíukynding í mið-
stöðvarketil læknisbústaðarins, og er það til bóta, að því er vinnu við
miðstöðina snertir, en lítt dregur sá útbúnaður úr hinum feikna