Heilbrigðisskýrslur - 01.12.1947, Page 133
131
Af mjólk þessari reyndust 95,93% í 1. og 2. hreinlætisflokki, 3,56%
í 3. hreinlætisflokki og 0,51% í 4. hreinlætisflokki.
Seijðisfj, Eftirlit ekki mikið. Litið er þó eftir hreinlæti í brauðgerðar-
húsi, kjöt- og fiskbúð. Eins hefur verið reynt að hafa eftirlit með mat-
vöruverzlunum, en því er ekki vel tekið.
Vestmannaeyjct. Matvælaeftirlit minna en þyrfti.
E. ManncIdisráS ríkisins.
Prófessor Júlíus Sigurjónsson hélt áfram vítamínrannsóknum sín-
um, sem um getur í siðustu Heilbrigðisskýrslum. Á árinu voru að
undirlagi ráðsins sett lög nr. 30 22. april 1947 um að tryggja mann-
eldisgildi hveitis.
F. Sumardvöl kaupstaðarbarna í sveitum.
Læknar láta þessa getið:
Búðardals. Starfrækt var eins og í fyrra á vegum Rauðaltross ís-
lands sumardvalarheimili að Sælingsdalslaug.
Blönduós. Til sumardvalar eru árlega nokkur börn úr kaupstöðum,
einkum úr Reykjavík. Una þau flest hag sínum vel, og hefur jafnvel
einstaka barn ílenzt hér vetrarlangt.
Sauðárkróks. Barnaheimili á vegum Rauðakross íslands var á
Löngumýri í húsakynnum kvennaskólans. Voru þar um 30 stúlku-
börn í 2—3 mánuði.
G. Drykkjumannahæli í Kaldaðarnesi.
1 ársbyrjun voru á hælinu 8 vistmenn. Á árinu komu 10, en 13 fóru.
Eftir við áramót 5. Dvalardagar alls 1553. Vistmenn að meðaltali á
dag 4,3.
H. Fávitahæli á Kleppjárnsreykjum.
í ársbyrjun voru á hælinu 20 fávitar. 2 bættust við á árinu, en
enginn fór. Fávitar um áramót 22. Dvalardagar alls 7799. Fávitar
vistaðir að meðatali á dag 21,4.
I. Elliheimili.
Læknar láta þessa getið:
Hafnarfj. Verið að byggja elliheimili fyrir bæinn, því að gamla
elliheimilið er ófullnægjandi.
Seijðisfj. Elliheimili er starfrækt af kvenfélagi í bænum, en aðeins
af hálfum krafti vegna fólkseklu. 7 vistmenn dveljast þar nú.
4. Húsakynni. Þrifnaður.
Rvík. Það hefði ef til vill verið réttara að geta í síðustu ársskýrslu
þeirrar „miklu“ skoðunar, sem fram var látin fara í Reykjavíkurbæ
árið 1946, en þá fór fram skoðun á öllum kjallara- og braggaíbúðum
í bænunr. Ég lét þetta þó hjá líða, þar sem ekki var útséð um á því
ári, hver áhrif eða hverja meðferð árangur þeirrar skoðunar hefði.