Heilbrigðisskýrslur - 01.12.1947, Page 252
250
komifi með nokkrum millibilum. Síðan kemur orðrétt bókað eftir
stúlkunni:
„Fyrr greind klæðaföll mættu voru hvítgul í ca. einn mánuð. Sein-
ustu dagana, 22. til 25. apríl, voru klæðaföllin, samfara verkjum, farin
að dökkna og orðin brúnleit. Tíðabindi dökknuðu“.
Nú óskið þér eftir umsögn minni um það, hvort ég telji á grundvelli
ofan greinds framburðar stúlkunnar, að fósturlát hafi verið byrjað hjá
henni, þegar ldæðaföll hennar voru orðin svo dökk, sem að framan er
sagt, samfara verkjunum.
Ómögulegt er að segja með neinni vissu, hvort fósturlát hafi verið
byrjað, eftir þeim einkennum, sem lýst er, en brúnleit klæðaföll, þar
sem ekki er um neina meðalanotkun að ræða í leggöngum, benda
ótvírætt á smávegis blæðingu, og það, ásamt verkjunum, „verður að
álítast, að styðji allverulega tilgátuna um sjálfkrafa fósturlát“, eins
og ég hef telcið fram í bréfi til sakadómara í ágústmánuði síðast-
liðnum.“
Jafnframt því, sem nefndur yfirlæknir staðfesti í rétti 19. des. bréf
þetta, voru að ósk annars hæstaréttarlögmanns lagðar fyrir yfirlækn-
inn eftirfarandi spurningar:
„1. Eru líkur til, að læknir geti útvíkkað leghálsinn án notkunar
verkfæra í tilfelli því, sem hér liggur fyrir?
2. Getur útvíkkun á leghálsi átt sér stað án þess að vera af manna-
völdum? Ef svo er, til hvers bendir hún þá?
3. Telur vitnið nauðsynlegt að útvíkka leghálsinn til að koma inn
kanna þeim, sem fyrir liggur i málinu?
4. Telur vitnið mögulegt að valda útvíkkun með kanna þessum?"
Þessum spurningum svaraði yfirlæknirinn á þessa leið:
„Ad 1). Nei.
Ad 2). Fyrri spurning: Já. Seinni spurning: Útvíkkun á leghálsi, sem
ekki er af mannavöldum, bendir til þess, að eitthvað sé inni fyrir i
leginu, sem leg'ið vilji losna við, t. d. við byrjandi fæðingu eða
fósturlát.
Ad 3). Nei.
Ad 4). Nei.“
Málið er i þetta sinn lagt fgrir læknaráð á þá leið,
að óskað er umsagnar læknaráðs „um hvort hin enn frekari rann-
sókn, sem fram hefur farið í málinu, eftir að ráðið lét uppi álit sitt
um það með bréfi, dags. 11. okt. (þ. e. 14. okt). s. 1., haggi í nokkru
fyrri álitsgerð ráðsins í því, og sé svo, þá í hvaða atriðum.“
Álijktun réttarmáladeildar læknaráðs:
Réttarmáladeild telur, að réttarrannsóknir þær, sem fram hafa far-
ið í málinu, síðan læknaráð hafði það síðast til meðferðar 14. okt.
1949, hafi ekki leitt neitt það í ljós, er hagg'i fyrri álitsgerðum ráðsins.
Ályktun réttarmáladeildar, dags. 28. des., staðfest af forseta sem
ályktun læknaráðs 29. des.
Málsúrslit eru enn óorðin.