Ritið : tímarit Hugvísindastofnunar - 01.01.2020, Blaðsíða 21
ÆSA SIGURJóNSDóTTIR
20
rita og teikningin er mun fínlegri og nákvæmari en hinar tvær. Hvalurinn
myndar fagran sveig inni í bug upphafsstafsins „h“, en liggur ekki klunna-
lega við fætur skurðarmannanna eins og á hinum myndunum. Hann er um-
kringdur fjórum karlmönnum sem skera dýrið, en það er mun stærra en þeir
sjálfir. Hver og einn einbeitir sér að ákveðnum hluta þess, en sá sem stendur
í forgrunni myndarinnar virðist vera elstur og sker bægslin.43
Fjórða myndin, sem hér er fjallað um, er frábrugðin hinum því um er að
ræða neðanmálsteikningu í Jónsbókarhandriti frá sextándu öld.44 Þrír menn
skera hvalinn og sá fjórði flytur kjötið burt á hesti. Áhorfandinn er dreginn
inn í ákveðna atburðarás því hér er greint á milli hvernig hvalurinn er festur,
skorinn og kjötið flutt af vettvangi. Sá sem sker bægslin er rauðklæddur með
hatt, hinir í grófum mussum með svartar hettur á höfði. Jafnvel þótt mynd-
byggingin sé flóknari en í eldri myndunum, þá virðist teiknarinn ekki byggja
á reynslunni og dregur dýrið upp eins og það væri stór fiskur. Gjósandi önd-
unaropið sést samt greinilega á baki dýrsins, eins og tákn um að hér sé um
hvalfisk að ræða.
Þótt handritalýsingarnar séu gerðar af mismikilli nákvæmni og ólíkum
hagleik, þá hafa teiknararnir lagt sig fram um að líkja eftir útlitseinkennum
dýranna og gætt að stærðarhlutföllum þeirra. Allir sýna þeir að skurður-
inn er samvinnuverkefni, athöfn, þar sem farið er eftir ákveðnum fyrirfram
settum reglum. Myndirnar eiga það sameiginlegt að sýna augnablikið þegar
einn mannanna beygir sig yfir dýrið til að skera af því bægslin. Valdið þarf
að sýna og á miðöldum höfðu yfirvöld ákvörðunarrétt yfir lífi og dauða.
Hér virðist reglugerðin um hvalskurðinn og yfirburðir mannsins yfir dýrinu
skipta meira máli en lýsing á umhverfinu eða á tilteknum atburði.
Karlmennirnir bera allir persónueinkenni sem eru túlkuð með mis-
munandi fatnaði, hárgreiðslu og svipbrigðum. Á klæðnaði þeirra má greina
að þeir eru af ólíkri stöðu eða stétt. Þetta eru ekki frumstæðir veiðimenn,
heldur skipuleggja þeir skurðinn samkvæmt lagabókstöfum og beita ólíkum
verkfærum, sveðjum og hvalajárnum, af kunnáttu við sundurlimun dýrsins
samkvæmt fyrirfram ákveðnum reglum.
Hvalamyndirnar í Jónsbókarhandritunum sýna því ögun líkamans og
regluverk valdsins (svo vísað sé í orðræðu Michel Foucault). Þær mætti túlka
sem beina áminningu um umráðavald mannsins yfir náttúrunni. Karlmenn-
43 Skarðsbók Jónsbókar AM 350 fol, blað 51r. Vicki Ellen Szabo lýsir þessum myndum
nokkuð nákvæmlega í bók sinni Monstrous Fishes and the Mead-Dark Sea, bls. 271–273.
44 AM 345 fol, blað 51r. Sótt 10. október 2019 af https://handrit.is/en/manuscript/
imaging/is/AM02-0350#page/50v++(112+of+350)/mode/2up.