Ritið : tímarit Hugvísindastofnunar - 01.01.2020, Blaðsíða 114
JARPUR, BlAkkUR, SkJóNI, STJARNA OG HJÁlmA
113
lífsins og festa í sessi hugmyndina um að samband eiganda og hests sé í eðli
sínu jákvætt og annað hljóti því að vera frávik. Góðir menn stæra sig ekki af
slæmum hestum, né heldur hreykja sér af því að misþyrma eða fara illa með
hesta.
Stöldrum aðeins lengur við skilgreininguna á „góðhesti“ og hvernig
lýsingum á slíkum hestum er gjarnan háttað. Notum Jarp áfram sem dæmi,
enda fær hann óvenjulanga lýsingu – heila blaðsíðu og rúmlega það – og
grípum niður í fyrstu línurnar:
Jarpur var með stærri hestum, lofthár, grannbyggður og spengi-
legur. Höfuðið í stærra lagi, mjög skarbeinótt og æðabert, beina
snoppulínu og skarpan nasahrygg, víðar og þunnar nasir, nokkuð
munnstór, með lipra og framdregna flipa. Ennið breitt og gagn-
augnaholurnar djúpar, augun í stærra lagi, skær, fögur og glaðleg,
en þó mild og dreymandi, þegar hann var í kyrrstöðu, augnabog-
arnir rúmmiklir og skarpir.17
lýsingin heldur áfram og minnir mjög á hestaræktun, með ríkulegri
áherslu á ytri þætti og líkamlega, þótt Ásgeir staldri þó aðeins við og íhugi
dreymandi ásjónu hestsins í kyrrstöðu. Sálarlíf hestsins er til staðar, en mun
minna fer fyrir persónuleikalýsingum miðað við útlitið. Vangaveltur um
innra líf hestsins birtast helst þegar mærð er góð hegðun og hlýðni, svo sem
þegar Ásgeir lýsir Jarpi sem jafnaðarlega taumljúfum og ofríkislausum,18 en
þær lýsingar snúa einmitt að þjónustu hestsins við mannfólkið og uppfylla
ákveðnar væntingar um tamningu og rétta hegðun. En hvað með þá hesta
sem uppfylltu ekki slík skilyrði? Hvar eru allir „illhestarnir“ – ef svo má að
orði komast og halda samræmi við parið „góðmenni/illmenni“ – en einnig
má spyrja, hvar eru blessaðar ótemjurnar?
ótemja er hestur sem ekki fylgir settum reglum mannfólksins. ótemja er
óhlýðinn hestur, óstýrilátt dýr, hvort sem það sýnir einbeittan brotavilja eða
er skaddað af slæmri meðferð mannfólksins, og í eðli sínu getur „ótemjan“
ekki verið „góðhestur“, því hún hagar sér ekki á réttan hátt eftir væntingum
mannfólksins. En skilgreiningin nær ekki bara yfir hesta sem haga sér illa,
heldur geta illhestarnir einnig verið þeir sem komið hefur verið illa fram
við. Beint og óbeint ofbeldi, níð og vanræksla, er hluti af menningarsögu
illhestsins og ákveðin skömm fylgir þeim eigendum og/eða gerendum sem
17 Sama heimild, sami staður.
18 Sama heimild, bls. 191.