Ritið : tímarit Hugvísindastofnunar - 01.01.2020, Blaðsíða 155
SOFFÍa auðuR BIRGISDóTTIR
154
gera óskunda í þvotti, sem breiddur var út eða hengdur á snúrur.
Stundum fundu þær upp á þeim fjanda, þegar þær voru reknar
heim á kvöldin, að taka undir sig stökk á fjósbalanum og æða eins
og bandvitlausar til og frá um túnin með rassana hátt upp í loftið,
og maður var nær dauða en lífi að eltast við þær. Og þegar fór að
líða á sumarið, gat maður átt það vofandi yfir sér, að þær kæmu ekki
heim að á kvöldin, heldur létu rökkrið detta á sig einhvers staðar
langt í burtu og legðust þar fyrir í mestu makindum og létu menn
leita að sér í myrkrinu, og ég gat aldrei fundið nokkra ástæðu að
þessu háttalagi þeirra aðra en þá, að þær væru að stríða manni og
gera manni erfitt fyrir. (58–59)
Áður hefur Þórbergur ýjað að því að geðvonskulætin í Skjöldu um nætur
stafi af geðbilun sem hafi orsakast af afbrýðisemi kýrinnar; „að Skjalda hefði
bilazt út af því, að Huppa hafði stór og falleg horn, en hún var sjálf kollótt
og snauddleg í framan. [...] Bilanir út af svipuðu hafa oft komið fyrir í fólki“
(57). Fleiri mannlega eiginleika eignar hann kúnum en helsti löstur á þeim
er sú staðreynd að þær voru aldrei skemmtilegar og „virtust vera alveg húm-
orslausar“ (59):
Það var eins og það lægi alltaf illa á þeim, væru jafnvel oft í vondu
skapi. Þegar þær brugðu sér á leik, þá var eins og þær gerðu það
í illu. Maður sá aldrei lífsgleði eða spaugsemi i hreyfingum þeirra
og heyrði aldrei þessa skemmtilegu blessbresti aftan í þeim eins og
hestunum, þegar þær ruku á sprett frá manni. Það var ekkert flott
við þær eins og hestana og moratnefðóttu forustuána. Þær voru
stirðar og klunnalegar í hreyfingum. (59)
En kýrnar hafa það fram yfir bæði hesta og kindur að „það var meira af
hugsun í andlitunum“ (59) á þeim, jafnvel svo mikil hugsun að það setur
óhug að Þórbergi og í eftirfarandi tilvitnun má sjá hvernig framandleikinn
birtist honum og vekur upp ónot:
Þegar þær horfðu á mann, þá hugsuðu þær meira um mann. Það
var eins og þær sæju mann út. Mér var helvíti illa við það. Það
var engin hugsun í andlitinu á hestunum, þá sjaldan þeir horfðu á
mann, og þeir sýndust ekki hafa neinn áhuga á manni. Kindurnar
horfðu á mann með miklum áhuga, en það var auðséð á andlitinu á
þeim, að þær botnuðu ekkert í manni. Það var eins og þær væru að
reyna að skilja, en gætu það ekki. (59)