Ritið : tímarit Hugvísindastofnunar - 01.01.2020, Blaðsíða 194

„Af HVERJu fæ ég EKKI Að KYnnA SAfnIð mITT Í SJónVARpInu?“
193
hafi orðið hluti af sérsýningu byggðasafnsins, þar sem færð var saman saga
dansks kaupmanns og náttúruverndar. Aðrir gripir úr gamla Dýrasafninu
voru hins vegar fluttir í glænýtt geymslu- og þjónustuhús á Eyrarbakka árið
2002.18
Dýrgripir á uppboði
Samkvæmt samtali mínu við lýð pálsson, safnstjóra hjá Byggðasafni Ár-
nesinga, mættu fjórir galvaskir menn úr Árnesþingi á sínum tíma á uppboðið
hjá Tollstjóra árið 1978 og buðu grimmt í þá gripi sem þeim leist best á.
megnið af gripunum voru svo hafðir til sýnis á fyrrnefndu safni, sem fékk
heitið Dýrasafnið á Selfossi og var starfrækt frá árinu 1980 til ársins 1995.
Samkvæmt lýð er sumsé töluvert eftir af þeim gripum sem keyptir voru á
uppboðinu hjá Tollstjóra 1978 en einnig eru dæmi um að munum hafi verið
komið fyrir í geymslu eða lánað til annarra safna. Í svokölluðum Eggjaskúr
sem tilheyrir Byggðasafni Árnesinga eru til dæmis uppstoppuðu fuglarnir frá
Íslenska dýrasafninu enn til sýnis. Stærsti gripurinn úr safninu er ísbjörninn
sem var felldur í fljótavík vorið 1974. um þessar mundir mun hann vera í
millisafnaláni hjá Byggðasafni Vestfjarða á Ísafirði þar sem hann sómir sér
vel á sýningu.19
Á meðal þeirra dýrgripa sem fluttust til Selfoss var sumsé uppstoppaði
ísbjörninn úr fljótavík og hryssan löngumýrar-Skjóna, sem samkvæmt frétt
Tímans um málið var „eitt frægasta og umdeildasta hross landsins“.20 Við
kaupin sagði pétur Sigurðsson, safnvörður á Byggða- og listasafni Selfoss,
að hann væri sérstaklega ánægður með kaupin á ísbirninum því það væri
ekki á hverjum degi sem hægt væri að festa kaup á slíkum grip.21 Vert er að
fjalla nánar um þennan merkilega grip. Bjarndýrið felldi Jón gunnarsson,
smiður á Ísafirði, í fljótavík á Hornströndum vorið 1974. Í skemmtilegu
viðtali lýsir skyttan viðureign sinni við dýrið. Hann segir svo frá að hann og
félagar hans hafi verið, auk þriggja krakka, staddir í gistiskýlinu í fljótavík
þegar þeir urðu varir við eitthvað óvenjulegt fyrir utan skýlið. Það reyndist
þá vera bjarndýrið sem farið var að gæða sér á nestinu, sem geymt var úti.
18 linda Ásdísardóttir, „ugla sat á Kvisti“, Safnablaðið Kvistur 1/2016, bls. 8–11.
19 Tölvupóstsamskipti við lýð pálsson safnstjóra Byggðasafns Árnesinga, 29.
nóvember 2019.
20 Safnhúsin á Selfossi: Keyptu bróðurpart íslenska dýrasafnsins án þess að fjármagn
væri fyrir hendi“, Tíminn, 21. september 1978, bls. 5.
21 Sama heimild, bls. 5.