Ritið : tímarit Hugvísindastofnunar - 01.01.2020, Blaðsíða 22
SJóNARSPIL TEGUNDANNA
21
irnir eru sýndir í hlutverki stjórnenda, á meðan hvalurinn liggur hreyfingar-
og áhrifalaus við fætur þeirra.
Hvalurinn á landakortinu
Markmið lífvaldsins var að auka getu og framleiðni einstaklinga og tengd-
ist því uppgangi kapítalisma í Evrópu. Landakortum og náttúrulýsingum,
ritum um dýrafræði tók mikið að fjölga á seinni hluta sextándu aldar. Þau
eru gott dæmi um þekkingar- og myndsköpun sem hafði það að markmiði
að auka útþenslu, færni og framleiðni.
Landakort sextándu aldar rúma bæði lýsingu á landfræðilegum ein-
kennum og menningarlegum frásögnum, sem lýsa umhverfinu á mörkum
reynslu og ímyndunar. Nöfn á hvölum, eiginleikum þeirra, og góðu eða illu
innræti, byggðu á texta Konungs skuggsjár, en þar er enginn tegundamunur
gerður á milli hvala og sjóskrímsla, rostunga og fiska. Hrosshvalur og rauð-
kembingur eru sagðir fullir af „ágirnd og illsku. Aldrei verða þeir saddir af
manndrápum, því að þeir fara um öll höf innan og leita, ef þeir mega skip
finna.“45
Þannig var heimsmyndin dregin upp á milli reynslu og þjóðsagna. Hún
endurspeglar spennuna á milli þeirra náttúrufyrirbæra sem maðurinn óttað-
ist og þeirrar náttúru sem maðurinn taldi sig þekkja og vera að ná valdi yfir.
Þessi óvissa birtist í Carta marina sem áður er minnst á, landakortinu sem
var fyrirmynd að Íslandskortinu fræga sem kennt er við Guðbrand Þorláks-
son, gefið út af flæmska kortagerðarmanninum Abraham Orteliusi í atlasi
hans Theatrum Orbis Terrarum árið 1585.
Hvalirnir og önnur sjávardýr skrímslin og ormarnir sem umkringja
landið á Orteliusarkortinu hafa ólíkum hlutverkum að gegna í hafinu. Mörg
þeirra eru blendingar, goðsöguleg dýr, eins og hrosshvalur, sem er hestur
að framan og fiskur að aftan. Einnig má greina á kortinu raunsæislegri
teikningar, af rostungi (sem reyndar var lengi talinn vera karlkyns hvalur),
hafís og rekaviði, ásamt mynd af búrhvali, sem sagður er góður til átu og
með sterkar tennur sem úr megi skera taflmenn. Þannig ægði saman þekk-
ingu og þjóðsögum sem hver tók upp eftir öðrum. Dökkur, distópískur
myndheimurinn sem Olaus Magnus dró upp í bók sinni Historia de gentibus
septentrionalibus (1555) fór víða því evrópskir fræðimenn endurtóku furðu-
frásagnir hans og tilgátur um hvali og sjóskrímsli. Olaus lýsir fiskunum í
hafinu, hinum ýmsu undrum og sjávarskrímslum. Hann segir frá því að fyrir
45 Konungs skuggsjá, bls. 30.