Ritið : tímarit Hugvísindastofnunar - 01.01.2020, Blaðsíða 216
„TEKuRðu D-vÍTAMÍN?“
215
Geraghty eru færð rök fyrir því að fólk með ME/síþreytu verði fyrir þekk-
ingarlegu óréttlæti og þá aðallega í tengslum við heilbrigðiskerfið. Þar kemur
meðal annars fram að tuttugu prósent af heimsóknum til heimilislækna í
Bretlandi eru vegna einkenna af óþekktum orsökum (e. medically unexplained
symptoms) á sama tíma og læknanemar eiga erfitt með að henda reiður á
slíkum óþekktum einkennum og afskrifa þess vegna gjarnan þá sjúklinga án
nokkurrar meðferðar.39
Blease o.fl. færa rök fyrir því að sjúklingar með ME/síþreytu hafi almennt
verið beittir þekkingarlegu óréttlæti af hendi aðila innan heilbrigðiskerfisins
og þá sérstaklega lækna. Þetta leiða þau af þeim reynslurannsóknum sem
hafa verið gerðar á samskiptum lækna og sjúklinga með hliðsjón af ME/
síþreytu.40 Heimspekingurinn Miranda Fricker setti fram hugmyndina um
þekkingarlegt óréttlæti en hún fullyrðir að þekkingarfræði sé bundin sið-
fræði órofa böndum.41 Þessi gerð óréttlætis greinist í grófum dráttum í tvo
flokka. Í fyrsta lagi vitnisburðarranglæti en þá er vitnisburður manneskju
dreginn í efa og ekki tekið mark á reynsluheimi hennar. Fricker færir rök
fyrir því að ímyndaðar félagslegar staðalmyndir séu óhjákvæmilega notaðar
til þess að meta trúverðugleika viðmælenda. Þannig geta fordómar laumast
með staðalmyndinni og hlustandinn fer jafnvel á mis við ákveðna þekkingu
og hlustar ekki sem skyldi á viðmælanda.42 Blease o.fl. benda á að fólk sem
býr við slæma heilsu er almennt mjög berskjaldað gagnvart vitnisburðar-
ranglæti.43 Í öðru lagi er um að ræða túlkunarranglæti, sem er kerfisbundið
og merkir að þeim hugtakaforða sem við höfum til þess að lýsa reynsluheimi
okkar sé ábótavant og hann stuðli í raun að óréttlæti.44 Í tilfelli langveikra
þýðir slíkt ranglæti að túlkunin á þessu ástandi nær ekki að fanga raunveru-
leika þeirra og getur í sumum tilfellum, eins og þegar sjúkdómsgreining er
ekki til staðar, haft í för með sér að fullnægjandi viðurkenningu á ástandinu
skortir sem getur haft alvarlegar afleiðingar fyrir langveikan einstakling.
39 Charlotte Blease, Havi Cavel og Keith Gerathy, „Epistemic Injustice in Healthcare
Encounters: Evidence from Chronic Fatigue Syndrome“, bls. 556.
40 Sama heimild, bls. 549.
41 Miranda Fricker, Epistemic Injustice: The Power and Ethics of Knowing, Oxford: Oxford
university Press, 2007. Charlotte Blease, Havi Cavel og Keith Gerathy, „Epistemic
Injustice in Healthcare Encounters: Evidence from Chronic Fatigue Syndrome“,
bls. 549.
42 Miranda Fricker, „vitnisburðarranglæti“, þýddur kafli úr Epistemic Injustice af Agli
Arnarsyni, Hugur 29/2018, bls. 15–32, hér bls. 21.
43 Charlotte Blease, Havi Cavel og Keith Gerathy, „Epistemic Injustice in Healthcare
Encounters: Evidence from Chronic Fatigue Syndrome“, bls. 552.
44 Sama heimild, bls. 551–552.