Ritið : tímarit Hugvísindastofnunar - 01.01.2020, Blaðsíða 211
NANNA HlÍN HAllDóRSDóTTIR
210
Eftir heimsstyrjaldirnar tvær tóku velferðarkerfi nútímaríkja að mörgu leyti
við af (stór)fjölskyldunni sem ráðandi kerfi samábyrgðar á vesturlöndum
og við vísum til þess kerfis þegar við hugum að samábyrgð fremur en fé-
lagskerfis stórfjölskyldunnar.22 velferðarkerfið er það kerfi samábyrgðar
sem hugmyndir og stefnur í anda nýfrjálshyggju byrja svo að grafa undan á
síðustu tveimur áratugum tuttugustu aldarinnar án þess að bjóða upp á nýjar
gerðir samábyrgðar. Engin ný gerð af fjölskyldu eða velferðarkerfi hefur
komið fram á síðustu áratugum sem getur tekið við öllu því hæði sem fylgir
mannlífinu.23 Segja mætti að þetta sé sú staða sem við búum við í dag þó að
ný velferðar- og fjölskylduform gætu verið í kortunum fyrir framtíðina.
Rökvísi nýfrjálshyggjunnar
Það sem er almennt talið helsta einkenni nýfrjálshyggju, og það sem að-
greinir hana frá klassískri frjálshyggju, er hvernig rökvísi hennar breiðir úr
sér yfir alla kima samfélagsins. Sú aðgreining sem þó var afmörkuð innan
kenninga og hugmyndafræði klassískrar frjálshyggju milli hins efnahagslega,
hins pólitíska og einkasviðsins er afnumin; rökvísi hins frjálsa markaðar er
talin ákjósanleg fyrir fleiri félagslegar víddir og smýgur inn í hverja taug
samfélagsins.24
Ef þessi þróun í átt að nýfrjálshyggju er skoðuð út frá siðfræði má lýsa
henni sem ákveðnum viðsnúningi: siðferði fer að draga dám af efnahags-
breytum fremur en að það takmarki svið hins efnahagslega. Það er vert að
taka fram að fræðalandslag nýfrjálshyggju er mjög umfangsmikið og í raun
eru það helst gagnrýnendur hugmyndafræðinnar sem nefna hana því nafni.
Engu að síður hefur það gerst á síðari árum að jafnvel fræðafólk á vegum
Alþjóðagjaldeyrissjóðsins hefur gagnrýnt stefnur í anda nýfrjálshyggju en sjóð-
22 Brett Neilson og Ned Rossiter, „Precarity as a Political Concept, or, Fordism as
Exception“, Theory, Culture and Society 25/2008, bls. 51–72, hér bls. 55.
23 Þetta er í raun stórsöguleg staðhæfing: Almennt séð hefur sú formbreyting ekki
átt sér stað að t.d. ný gerð af (óskyldum) frændum og frænkum sjái um framfærslu
ungs námsfólks eða þá að skilyrðislaus grunnframfærsla verði hluti velferðarkerfis.
Á þessu tímabili hafa hins vegar mörg samhjálparkerfi orðið til, til dæmis leikskóla-
kerfið á Íslandi sem er greinilegt viðbragð við aukinni þátttöku kvenna á vinnu-
markaði. Auk þess hafa verið gerðar margar tilraunir í grasrótarrýmum til að skapa
nýjar gerðir samhjálpar. Sem dæmi má nefna foreldraleikskóla í lundúnaborg þar
sem leikskólar og barnagæsla eru ekki hluti af hinu opinbera kerfi.
24 Wendy Brown, Undoing the Demos: Neoliberalism Stealth Revolution, New York: Zone
Books, 2015, bls. 33.