Ritið : tímarit Hugvísindastofnunar - 01.01.2023, Blaðsíða 175

HJAlTI HuGASOn
180
„Kvöldljóð“, síðasta ljóðið í nýjustu ljóðabók Hannesar, Haustaugum, er líka
ort með kvöldmáltíðarsakramentið í huga en nú út frá annars konar sjónhrifum:
sólarlagi á sumarkvöldi að því er virðist á Álftanesi þar sem Snæfellsjökul ber við
hafsbrún. Er þar komið enn eitt sjónarhorn á þá heimssýn sem verður víðar fyrir
í ljóðheimi Hannesar: hið heilaga birtist í hinu náttúrulega en ekki með yfirskil-
vitlegum hætti.
Nú geislar sumar!
Sól hnígur
í rauðan fjörð hjá fannhvítu
fjalli við hafsbrún:
Brauð og vín
á borði helgrar jarðar!73
Og ég neyti þessa brauðs
bergi þetta vín
ég, hinn efagjarni
sá sem ungur treysti
alhugað
dýrð ljómans yfir fjárhirðunum
og leiðsögn stjörnunnar háu
en er nú alls kostar
undir það búinn
að mölflugur geri sér hreiður
í helgum fyrirheitum
og svefn komi
kaldur niður í gegn
svefn, þó umlukinn
því sem enginn þekkir til grunna —
hinn efagjarni
sá sem oft rýmir úr huga sér
á andartaki
öllum mannasetningum á himni:
reytir nafn
73 Sjá framar um beinar og óbeinar vísanir til sakramentisins.